اقتباس:
المشاركة الأصلية كتبت بواسطة صَـوْتُ القُـلُوبِ
السلام عليكم ورحمة الله وبركاته
واااااااااااو
أنا معااش في هالحملة ضد الفضائيات 
يا أختي مرة بـ محاضرة واحدة قاعدة قدام ولافة الشيلة لف "أبو طقة" فـ طاحت على
كتفها فـ طلع تحت الشيلة بسطة مكونة من 4 كماشات كل وااحدة لون غير عن الثاني 
خير حبيبتي ؟؟ ليه كذا ؟
بعض البنات تحطها ورا فرقة قذلتها .. يعني مو لهالدرجة 
شكلها يخرع !!
يعطيج العافية قلبوو ..
يدًا بيد لـ لقضاء على هذه الفئة الضالة  |
ارحب ارحب ياقميــــــــــــــل 
انتي شفتي طاقات خام ملونه انا شفت كور صوف قدامي
مره كنت رايحه المستوصف ماني مريضه بس استعبط بروح اطق فرحه بمستوصفنا وارد البيت .. يعني كسرت روتين
المهم انا صافه دور عند شباك اللي اقص منه الورقه ولا في وحده قدامي صغيره بحروة ال16 سنه واقفه تنطر دورها وراسها كنه حد هالطعوس اللي يفحطون عليه عيالنا بالبر ايام الربيع ... انا مدري وش اللي خلاني ادقق في ظهرها ولا اشوف في خيط لونه اخضر عشبي نازل من تحت حجابها على ظهرها .. طبعاً اللقافه فيني لاعبه دور البطوله وقمت وسحبت الخيط على ابو اني بشيله عن ظهرها لايخرب نفنوفها وياآآآآآ سحبه كوني سحبه ... الله وكيلج هديت كل شئ نسيت بطاقتي عند الشباك ونسيت الدنيا وقمت امشي ورا البنت واسحب الخيط اللي ماله اخر وهي اتمخطر رايحه لغرفه الابر وانا اسحب وهي تمشي وانا اسحب وهي تمشي .... وفجاه صغر راس البنت صار كنه ليمونه بعد ماكان طعس انا شهقت لما شفت راسها صغر لهدرجه وشفت ايديني متشربكه من خيط كرت الصوف اللي كانت حاشيه راسها فيها ... البنت التفتت على شهقتي ولا تشوف كرت الصوف مفككه بيدي... وبعدين تدرون قليلة الادب البنت شخطت فيني وسبتني بدل ماتقول لي شكراً <<< تكفين قولي قسم الا قولي بركه انها ماداست بطنج على اللقافه