[‏• فِرِِقِآإڪ خِيرِِهِہ ©]

ياللي على شانكــ ... قعدت وتراكيت =وانا مكاني في اولات ..الكراسي

من كبر قدرك .. كل ما غبت لك جيت =وحرف الشعر يشرح .. خبايا احساسي

اشتاق لك واحن .. مهما تناسيت =لو ان بعض .... حكاك شيب .. براسي

يا مطلق عنان الشعر .. ما تعنيت =الا بعد ..ما مل صبري .. عماسي

تدري وش اللي حدني ,, لين شليت=حرفي بصوت ٍ .. للمولع يواسي

وشرفت في راسه الطويله .. وعديت=وخاويت نفسي ,,, لين خليت ناسي

وعن كل ما يشرح لي الصدر صديت=وعرفت وش تعريف .. كلمة ( مأسي )!

تبي تعرف اللي جرى لي يابلفيت ؟=ما هو بيحتاج .. انت غصني وفاسي

اقبلت لك .. يامطرق البان واقفيت=ودخلت في المحضور .. وانا ســياسي

يامعلم .. اجيالك .. فنون الأتكيت=انا ما اعرف الا .. طبوعي وساسي

اعز قدري .. واحفظ الاسم والصيت=وعذروبي .. اني صلف من قو باسي

باقول لك مهما .. بصدك تماديت=الصمت حكمه .. يا صعيب المراسي

لا جف عرق الغصن ..ياللي تهقويت=صاب الورق من عقب .. لينه يباسي

احسب ذنوبك .. واعترف كان زليت=والحق على الباقي .. بوقت ٍ قياسي

لا تقول لي وش فيك رددت ياليت =ابسأل ... النسيان مثل ...التــناسي