السلام عليكم ورحمة الله وبركاته ...
اوكي انا ذكرت البيتين لأن فعلاَ حل اللغز فيهم تقريبا ...
والحين بذكر القصيدة كاملة لكم وهي قديمه حيل
قريتها في كتاب اسمه ( في ذاكرهـ الصحراء ) ...
لشاعر اسمه ضبيعان السعدون ... الله يرحمه
يقول الشاااعـر ...،
يامن يسلّم لي على اللي صابني في هواه=ويوصل المكتوب للي شاقني بالغرام
سلام مني عد ماهل المطر من سماه=واعداد ماصلوا وحجوا واعتنوا بالصيام
للي سميه كل قلبن يرغبه ويهواه=والرجل تتعب له وتكثر مشيها له دوام
ويدور من بين المناجم بالرضا واجلساه=صعبن بمفهومه وبيّن للقلوب الفهام
الصاحب اللي سمّ قلبي بالموده سباه=ابو خدود(ن) كنها البراق وسط الظلام
ولو هو بعيد الداار قلبي يذكره مانساه=واليا طرالي عفت انا زادي وحلو المنام
كثرت هواجيسي وقلبي جرّ لا واعناه=وهلت دموعي فوق خدي مثل وبل الغمام
والله مالي غير شخصه بالعذارى شفاه=وعليه حاااالي كان مايدري براها الهيام
والله ما ارخص به ولا اقبل بالمحبه سواه=واهين نفسي له ولا اسمع بالحبيّب كلام
وأصبر على شانه لون الصبر حالي براه=مادام اهو مخلف بعهده ماتخلى حرام
والحاال لو راحت من اجله علّها من فداه=للي زهى لبس المشجّر والذهب والوشام
وهذي القصيدهـ كاملة واتوقع ان المقصود باللغز هو ذكر اسم المحبوبه او ماشابه ذلك ...
واتوقع سهـلت الحين ع الجميــع حـل اللغـز ...
مع اطيب امنياتي ...