واحد من الربع دز لي ثلاث ابيات من باب المداعبه 
.. بعد ماشافني انا و ثنين من الربع في كوفي شوب في مجمع فيلاجيو التجاري .. ورديت عليه بربع ابيات من باب المداعبه كذلك
قال :
فيلاجيو .. فيه الثلاثه يصيدون = والعذر .. قهوتهم تراها عجيبه
لا يحسبون الناس ماهم بيدرون = انهم على البنت المطرف مصيبه
خصً الى من مر خطوات مزيون = محّق زمانه .. يمكن يطر جيبه
قلت :
فيلاجيو .. فيه الحزانا يسجّون = من الحزن .. ومن الحياه الكئيبه
كوفي .. سواليف وتفكّار بعيون = ويجيب له شيً (م)غيره يجيبه
آخير من مجلس يقال ويقولون = وسوالفً فيها المكارم غريبه
أخفهم ذنبً الى جاو يسرون = اماسرى ابّهتان والا بغيبه .!