السلام عليكم ورحمة الله وبركاته ...
(( شيلة المزن مميزهـ وراقيه للمبدع سعـود الدلبحـي ))
كلمات : سعود بن سطام بن حادي ...
أداء المبدع : سعـود الدلبحـي ...
يالله ياللي تسوق المزن يالوالي=ياعالم بالسما واللي جرى فيها
يالواحد ياللي يبدل كل الاحوالي=ياخالق النفس ياعالم خوافيها
انك من الغرب تنشي مزن وخيالي=والنجد بامرك يارب البيت تجريها
مع اول الوسم مزن كنه اجبالي=خيّل على نجد قاصيها ودانيها
البرق يبرق وخير المزن همالي=والاودية جتك فايضةِ عواليها
والعشب الاخضر نبت من كل الاشكالي=والباذر انبت ووجه الارض غاطيها
والطير لامن سمعته غرد يلالي=تطرب له النفس ولحونه تسليها
وشوف الحيا والاباعر يشرح البالي=ذودِ مغاتير والفكسار قافيها
وخوة نشامى ضروا قطع الخلا الخالي=هي سلعة بين بايعها وشاريها
جينا عقب مانصلي الصبح طوالي=قدم العصافير تظهر من مرابيها
العزبه محمّله والجيب شغالي=والجيب الاخر نحمل فيه باقيها
مع اطيب امنايتي للجميع ...