.
ليه كّل ٍ لا تذكّر ( ذكرياته )=يشعر إنها ( أحلى أيام ) بحياته .؟؟
،
بس إيتنهـّد وهو يحكي .. ويذكر=حلوها مع مرّها .. وشلون جاته
،
يتذكّر بعض الأشيا .. وإيتبسّم=من يصدّق إنها من ذكـــرياته .!!
،
هالمواقف بعضها كانت كبيره=بعضها خــلاّه ( إيتمنّى ممـــاته )
،
وبعضها للحين لا تذكّره يضحك=كيف ذاك الشي .. ذاك اليوم فاته .؟؟
،
وبعضها للحين لا تذكّره يسرح=ويتســائل .. ( وين راحت أمنياته ) ؟!
،
آه ياذا العمر .. يا سرعك علينا=واجــد إللي ما يحسّـون إبفــواته
،
وآه يالإنسان وشلون يتغيّـر=كل شّيٍ فيه .. حتى ( تضحياته ) .!!
،
إيتغيـّر غصب عنّه .. بسّ يبقى=طينــه يأثر . . على طيبــة نباته
،
وإن بغيت تعرف أي إنسان وش هو .؟؟=طالعـــه ... لا قـــام " يسرّد ذكرياته " .!!
.