صباح/مساء الخير والمسرات ..
أتمنى تكونون بصحه وخير ..
وأتمنى تعجبكم القصيده .. وما اقول غير يا شين غلطة الرفيق الغالي..
أسري مع الهاجوس وأصبح به على كل اتجاه
من الشمال أسامره وأسري معه لأقصى الجنوب
كيف أتجمل وأزرع المعروف ويجيني جزاه
عكسه بهالدنيا وأما ما شلت شي من الذنوب
وان كان عيبي طيبتي والصدق والله وا أسفاه
ماني بمن يعبد وجيه الناس ويعبد الجيوب
وانا رفيقي لو غلط بحقي عسى الدنيا فداه
ادمح له الزله ولا اسمع كل نمام كذوب
لكن به خطا يوصل الصبر لأقصى منتهاه
يحدني ابعد رفيقي واليوم يا كثر الدروب
جرح العدو ما همني يمناي تاخذ لي قضاه
وان ماخذت يمناي حقي عسى حظي للغروب
مير البلا لاجات من شخص(ن) ماأبي شقرت عصاه
أنا أشهد انه من عرب وانه على القلب محسوب
رمحه طعني في قفاي وكنت حارس له قفاه
بعض الجروح تذوب لكن جرح ما والله يذوب
وبعد ما جتني الخطيه عزيت قلبي في خطاه
يا قلب حاسب وانتبه وجعلك بعد هذي تتوب
وسلامتكم
أتمنى أشوف ردودكم..