ما شاب حبّك للعمل وانت بسواعدنا شباب
ياشيخ ماتفقد امل طاع الزمن وإلا طعه
خذنا رقابٍ من ذهب وإضرب ولا تحسب حساب
نفداك رد اللي ترده واقطع اللي تقطعه
وشلون يركبنا الخطى وبطاعتك عين الصواب ؟
كيف يتعداك العطى وانت إنخلقت بمنبعه
مخاطبك يا سيّدي ماهو بحيالله خطاب
ومثلي مهو بكل القصيد اللي بمدحك يقنعه
ماجيك وجه لوجه مابيني ولا بينك حجاب
إلا اجمع الك اللي يعجز الجن الازرق يجمعه
ماحب أوصّفك بشطر من غير ما اشقّق كتاب
ياشيخ انا ما ابدعت شي.اوصافك انت المبدعه