انا عيوني تناعس مـن عمـس راسـي***والا انت مدري عيونك وش تناعس لـه
عليـك لـدة وسـاع تقطـع أنفـاسـي***برموشها اللي تجـي بالهـون منّسلـه
ومدري متى الله يليـنّ قلبـك القاسـي***واللي يجيك بتواضع مـا تغطـرس لـه
يجذبني الشـق يمـك جذبـة ألماسـي***وأخفي صوابي عن عيونك وانا اونس له
وان راودتنـي تباشيـرك وانـا ناسـي***آمنـت بالله وبكتبـه وبـرسـله
واليا سرابي علـى طاريـك هوجاسـي***أعطيه كـل أهتمامـي وآتحمـس لـه
ما كن غيرك على وجه الثـرى داسـي***في فكري اللي شياطينه توسـوس لـه
لك فيه برج عتيـق ومجلـس رياسـي***اليا أنعقد في اجتماعاتـه تـروّس لـه
متربـع فيـه سلطـانـك ومتـواسـي***ويجلي الصدا والتراكـم عنـه ويغسلـه