ضايق البال مايستانس الحالـه = وانت لاغبت عني كني الحالـي
جتك الاشواق رجليـه وخيالـه = غير الاول تحمل شوقي التالـي
واحدأ فيك ماهو منشغـل بالـه = اشهد انه بها الدنيا هو السالـي
صاحبي والقصايد فيك مختالـه = وأنت لك حق فيهن يوم تختالـي
دام نفسك لحب الشعـر ميالـه = ليه ماصير شاعر وانت في بالي
من تمناك لاتنشد عـن احوالـه = كيف عقب العسل يستطعم الحالي
عقبك النفس مذعوره ومهتالـه = سود الايام هزت برجي العالـي
لكن القلب من يمك على حالـه = في تناسيك ليه اكذب على حالي
قلت لك نعمة النسيان.. زواله = ذكرياتك بعضهـا قـام يبرالـي
كل مامرني طيفك علـى فالـه = قلت يامرحبا في ريحة الغالـي
شلت همك وهمي ماحدأ شالـه = كن قلبك غدى ياصاحبي خالـي
إبتعدنا وكلـن راح فـي حالـه = بين هالناس لكن كنـي الحالـي
أصـل الايـام رحالـه ونزالـه = ومن شرب مرها يشتاق للحالي
ضايق البال مايستانس الحالـه = وانت لاغبت عني ضايق(ن)بالي