قد عطيتك وأنـت ماضنـك لئيـم=والنصيـحـه لليـالـي تـذكـره
لاتحرك جرحـي الماضـي الأليـم=ولاتحسب إن طول بعـدك طهـره
كل جرح يهون ياالجـرح القديـم=وكل شي قد مضـا معـك أذكـره
جرحي وذكـراك والليـل البهيـم=حـزت فـوادي بمثـل المنشـره
العذول غراب وأنا أكبـر غشيـم=والجروح الماء وطاريـك حجـره
والزمان أكرم من الحـظ الكريـم=لانفتح لي بـاب صوبـك سكـره
وحبك اللي لاطرى لي رحت اهيـم=قمت احسب اصغر كلامك واكبـره
ليتنـي عـاد الهـوا تـوه فطيـم=انعذلـت لعاذلـي بـس خـيـره
مالقيت من الوفـاء يـااول نديـم=كون صدق الحزن وجهه وظهـره
عقب رمح الشوق في وجه الصميم=سيف هجرك في قفاه وشف ثـره
وانت شكلك تحسبنـي فـي نعيـم=لنـي اخبـي صوابـي واستـره
لايغـرك حلـم رجــال حلـيـم=مهون اللي مـن سكوتـه فجـره
ولاتحسب الجفن من دمعه عقيـم=يستحي منك والى أقفيـت إنثـره
ولايغرك وإن بدا جسمـي سليـم=والله إن جسمي سـوار المقبـره
والله إن أمر من ضحـك الغريـم=شوف حقي بين أياديـه أشكـره
والله إن أحر مـن دمـع اليتيـم=دمعة الرجـال مـن فرقـا مـره