بسم الله الرحمن الرحيم
:
:
:
:
:
:
:
:
السلام عليكم ورحمة الله وبركاته
أسعد الله جميع أوقاتكم بكل خير
هذه محاورة شعرية جرت بين عملاقين كبيرين .. لهما باع طويل في شعر النظم والمحاورة
الشاعر : ضيدان بن منصور بن قضعان
والشاعر : سلطان بن وسام الهاجري
سلطان
قوم ياصاحبي ضيدان جر اللحون=واعتبر كل واحد نجدتة من يـده
تحسبنّك عليّ في كل ساعة تمون=لين شفت السماء برقة يدف رعده
ضيدان
منتك في الشحم ولا على الميكرفون=من عميلٍ ليا وعد يجـي فوعـده
آل عرجاء من أدنى شي مايزعلون=غير لازعلتهـم ظفريـن ومقـرّده
سلطان
آل عرجاء كفو لكن لايبلشـون=بحرنا لا ألتطم موجه يعوم زبده
مير بلّغ قبايل يـام ولاتهـون=راح بوش الأبو والطق عند ولده
ضيدان
بعد دار الهوى الغربي وأدرنا العيون=كل مازل عيد يجيـك عيـد بعـده
ياوساع الصدور وياكبـار البطـون=علموا حلف أوسلو لايجيـب جهـده
سلطان
كثرت أنعام ربي وامتلن الصحون=ارفع ايدك لوجهه واشكره واحمده
ناس ماياكلون وناس مايشبعـون=وناس عن طرقة العساس ماتنشده
ضيدان
شدّد الحرف ولاسكّنه بالسكـون=التلاميـذ ياسلطـان متـعـوده
مثل ماعاشت الجما مع أم القرون=شطر بيتٍ ماعيده لو تقولي عده
سلطان
قلت أبا أسألك والجمهور لايسمعون=قال خل السؤال شي علـى حـده
لاتضيع العلوم ولا تخيب الظنـون=من هو اللي يحرّ البحـر ويبـرده
ضيدان
اتصل بي بعد بكره على التيلفون=وخذ منا بـدال الجيّـده جيّـده
ياهواجر ترى لاهم ولايحزنون=ابن وسام يقصد شي مانقصـده
تحياتي
