ياهبوب القصيده هبي بأحلى الكلام
والحروف أشعليها بروعة فنونها
والحبيبة أذكريها ياقوافي الغرام
روحي ماعاد تقوى تخفي شجونها
ناظرتني..صار القلب مرمى سهام
صوبت في عميقه سهم من نونها
عقبها الليل تفكير ونومي حرام
وأبتدت قصتي للناس يحكونها
في هواها تخطيت الوله والهيام
ماني مجنون ليلى بس مجنونها
صورة في خيالي ماشكت من زحام
كيف والزين دره غالي أثمانها
في متاهاته أحلامي تعيش بسلام
تنتظر عل روحي يبين مكنونها
سحرها أبهر عيوني حسنها والقوام
يوم قامت تحيي من يحيونها
ويل قلب تصيبه نظرة بأبتسام
والله مافي عيون تشبه عيونها
شعرها لاتنثر ليل غزاه الظلام
ردته باليدين فليتني دونها
فشع نور الجبين فعقبها مانلام
لعن بو والديها مايخفونها
ساطع الخد نوره مثل بدر التمام
والله أني لحلاها صرت مفتونها
ياعنود المها لو تعرفين المرام
أنتي معنى حياتي وكل مضمونها
جاير الليل مسهرني وغيري ينام
خايف أنسان غيري حط عربونها
الهوى لو تغبى صعب يصبح وئام
فالمشاعر يصير القلب مسجونها
،،،...،،،...،،،...،،،
وسلا7777777متكم
لشاعر : سالم صالح الزهراني