ياطير حزنك ماغير الصبح واليوم=وانا امس واليوم والصبح وقفيّـه
ياطير والله ماغير اطيـح واقـوم=طيحة خويٍ يدافـع عـن خويّـه
أجاهد النفس مثل الفرس والـروم=فأشد واقسى الحـروب العالميّـه
وادرى على خاطرٍ غالي ومحشوم=مـن شرهتـه لا يسندهـا عليّـه
ولا ورا هالضلوع علوم وعلـوم=لاحـد مالـه نهايـه سرمـديّـه
ياطير ياللي صفقت الريش بالحوم=وأنا برجلـي طويـت الجرهديّـه
أنا من الظلم ميّت وانـت مظلـوم=أرفع جناحك وأنـا برفـع يديّـه