حاول تذكرني وبحاول اذكرك
وان ماذكرتك وش تبيني اسوي
دقيقه .. اصبر .. عيد لـ افدى تكبرك
ابوك في الجنة تذكرت توي
هذا انت .. ياللي كنت لاجيت ابادرك
باللين يحلى لك عليّ التقوي
بعد ايش لنت وجاي تبغاني اعذرك
ماعاد جو " اقسى وانا ألين " جوي
ياسخفها لعبة " تكبّر واقدرك "
رغم اني الرابح بها اليوم .. لويّ
ماصنت خاطر طيبتي قبل خاطرك
وسمحت لك تحكي معاي بـ تروي
يومك مكاني منت يمي واحاورك
واشب من غيضي وتدفى بـ ضوي
يابن الحلال ان كان تبغاني اذكرك
بالخير سوي بي مثل ما اسوي