أسمع أطفال في صدري وَجَعْ يركضون
..................... قبْل ما ألقاك في ياس ٍ أملْه إخذله
هذا أنا و أنت ...أو أنت و أنا من أكون ؟؟
..................... وجه ٍ أعرف تفاصيله و أخاف أجهله
جيتني عابر الليله عبور الضنون
..................... مثل ضيف ٍ عن إسمه ما قدرت أسئله
قلت يا حيّ ذكراك و جروحك تمون
..................... قلت لي و البقا فـ دموعك المقبله !
أستشف ّ الصبر من وجه كلّ الطعون
..................... و أجمع الدمع في عيني و أعود أنخله !
أكـْسِر القلب و أهديه لـ جديلك دخون !
..................... والمعاليق مجمر عود صرت أشعله
لين رحت وعزفت إلك الموادع لحون
..................... بين ظلما آخر فؤادي و نور أوّله
مات صمتي بَعَد مات الكلام الحنون
..................... و التَعَب ْ سلّم ٍ صرت أطلعه و أنزله !
كلّ طعنه من يدين الأحبه تهون
..................... ترفعك كل ّ ليله للسما منزله