نعم نعم للأسف ظاهرة تفشت في مجتمعنا وبكثرة وخصوصا في الأونة الاخيرة وانا ارى ان احد الاسباب هو وجود السايق فالبيت اللي صار بديل للأب او الأخ في تقضية مشاوير البيت فيعدونة واحد من الأهل اسمعوا السالفة وحدة من البنات بتروح لعرس وكاشخة حد الدعسة ركبت السيارة اللي فيها امها وخواتها طبعا السيارة مغيمة فالبنت خذت راحتها وقطت الشيلة اول ما اركبت علشان ما يسيح المكياج وتخرب التسريحة قالت وحدة من خواتها الصغار تغطي السايق يشوقش فالمنظرة قالت الام > عادي عادي باشا حسبت ولدنا ويوم مر أخوهم عليهم قالت تغطوا تغطوا لا يشوفكم >سبحان الله انعكست الاية تغطوا خايفين من اخوهم ما تغطوا خوفا من الله ونعم الام الستر والحيا يعتمد عالوازع الديني والخوف من الله قبل كل شيء و الرقابة الذاتية وان كان بعض الامهات يجهلون بعض الشغلات وويتعاملون معها بحسن نية الا ان على البنت الواعية الناضجة المتعلمة تنصح امها وفعلا سلوك البنت ان دل دل على تنشئتها وتربية اهلها وتصرفها يعكس اللي تعلمتة من المحيط الاسري . ملحوظة ذكرتي ان الاجانب كفار في اجانب مسلمين مو كل من تكلم عربي هو المسلم في دول غير عربية بس انها اسلامية الناقدة سلمتي عالطرح الراقي