لاتهـج البـوح لاحسـاس الأماكـن = يمتلى صدر الـورق حـزن وكآبـة
الشـوارع مظلمـة والبيـت داكـن = والنوافـذ كلهـا صمـت وغرابـة
والموانيء خاملـه والمـوج راكـن = يلفـظ أنفاسـه علـى شـط الكتابـة
جيت أعشم بردهـا بالصيـف لكـن = الفصـول الأربعـة بـرد ورتابـة
آه لا صار الغـلا بالجـرح ساكـن = والخناجـر كلهـا ربـع وقـرابـة
ما يطيب الحـال دام الحـب ماكـن = من عروق ومن فياض ومن سحابـة
ولو نشدنى عن سبب حزن الأماكـن = جف صوتى . مت . ما شاف الإجابة
هند