[الظبيه العنزي]

ويـنـك تـرا بـالحيل طول غيــابـك ..
وينك ترا في غيبتك خاطري ضاق

إن كان حظك راح وأقفا ومشا بك
على الأقل تشتاق لي كثر ما اشتاق..

أفرح بقربك وأهتني مع جنـابــك
صدق وبعدك محرق ٍ قلبي إحراق ..

إرحم شـعـوري وإعـتقه مـن عذابك
وإرحم خفوق ٍ وين ما رحت خفاق ..

يـا مـا جـلست من الغـلا عنـد بابك
أشكي جروحي وأشتكي ليه الفراق ..

عطني سـبـب واحـد يـبـرر ذهـابـك
إليا متى غايب .. وجرحي بالأعماق ..

لا لا تخـيـب قلـبـي الي هـقـــا بك
عـاف البشر وأرخص طويلات الأعناق ..

إرجع ومن قلبي أرحب هــلا بك
إرجع تراني فوق جمرات الأشواق ..