السلام عليكم ورحمة الله وبركاته
...
لكم
هالقصيده المنقوله
وتمني تعجبكم
بنت الرجال تشوم عن درب الانذال=وتبعد جنابـه عـن دروب الرديـه
ماهي في درب العشاشيـق تختـال=ولاهو طموحه يـوم تصبـح خويـه
ولاهي بتشرى بشحن هاتف وجـوال=ولا لا ولاتشـرى بعطـر وهـديـه
ولاهي من اللي كل يوم ٍ لهـا حـال=وعنده من الاصحاب عشـره وميـه
اليوم مع هـذا بـلا شـك وجـدال=وبكـرى مـع هـذاك تعقـد يديـه
هذاك ترسل له من الحـب مرسـال=وغيـره معاهـا بالمسنجـر سريـه
تضحـك عليهـم واتغنـج وتحتـال=وهم ياحرام يجون باجـزل عطيـه
احدٍ تبـي منـه أسـوار وسلسـال=واحـدٍ فواتيـره يـسـدد هـديـه
واحدٍ لها يحول ألـوفٍ مـن المـال=وتضحك وهي تقـول دينـك عليـه
وش ينفعـه لاقيـل بالأسـم رجـال=والبنت تلعب فيـه صبـح وعشيـه
(أنا اشهد انه لو لبس بشت وعقـال=ماجملـه بشتـه بعيـن اجـوديـه)
ووش عاد لو هو مالك قصور واموال=واسمه مسجل شيـخ وسـط الهويـه
الشيخ مـن بيتـه للاجـواد مدهـال=ماهو بشيـخ فلـوس لارحـم حيـه
وبنت الرجال اللي تعزوى بها رجال=عينه علـى الاشبـاه ماهـي شقيـه
مايشوق بعيونه سوى طيـب الخـال=اللـي يدينـه مـن عطاهـا نديـه
(عينه على الطيب تناظـر وتختـال=ولد الرجال اللـي علومـه غنيـه)
ولو كـان مايملـك بيدينـه ريـال=ويـده مـن كنـوز الدراهـم خليـه
يكفي ألى من مـر ذكـره بالامثـال=والكـل قـال ونعـم ياحـي حيـه
ألماسةٍ ماكـل مـن هامهـا طـال=وكـل ٍ يبيهـا بـس ماهـي دنيـه
مصيونةٍ عن قـول حاسـد وعـذال=ومحشومـةٍ عـن درب ذم وخطيـه
تخاف من هرج ٍ يجي فيـه محتـال=حكيه شهد مدسوس فـي سـم حيـه
الطرف يغضي غصب لاشاف رجال=والعيـن مالـه بالنظـر مقـدريـه
(هي مهـرةٍ مايعسفـه كـود خيـال=ذيبٍ سنافي عـز مـن هـو خويـه
حر ٍ شلع مابيـن هامـات وجبـال=له نظـرةٍ تـرث بالاعمـاق كيـه
على النقى يصبح لها فـي وظـلال=قـدام كـل النـاس ماهـي خفيـه
بوضح النهار بدون ريبه ولا اقـوال=الصح واضـح والخطيـه خطيـه)
هذي هي اللي تنشرى بغالي المـال=ويرخص لها الغالي وتشـرى يديـه
وهذي تساوي بعزته ألـف رجـال=وش عاد لو هـي بالمسمـى بنيـه
وهذيك ماتبغى ولـو مهـره ريـال=ولااحد ٍ يبيهـا كـود خبـل ٍ دهيـه
سبحان من هو فرق الناس با اشكال=وألـوان وأفعـال ٍ وحسنـى وسيـه
ومثل مافيه رخوم بالناس و رجـال=أيضا بنات النـاس (ماهـن سويـه)
وسلااامة نواظركم