آآه منـي والقلـم يـرثـي غيـابـك
إغرقت عيني..وحبري مدمعـي لـك.
وآآه منك مـن رحلـت إليـن جابـك
همس..لأسمك في خفوقي يشتكي لـك.
من رثيتك بـس أنـادي عنـد بابـك
قـوم تكفـى يامليكـي ودنـي لــك.
ودنـي لك..ضمنـي داخـل تـرابـك
ودني لـك..أو تعـال وجيبنـي لـك.
فـي غيابـك ماتبعـت إلا سـرابـك
وإلخيالـك جيت...لكـنـي قتيـلـك.
أذكر إني قلـت لك..(قلبـي حيابـك)
وأذكر إنك قلـت لي..(ياحبنـي لـك)
وإتفقنـا والعـهـد بــأول كتـابـك
قلتلك والصدق زاهـي صفحتـي لـك.
تنتهـي لي..جـاك كلـي وإبتـدابـك
تبتدي لي..سقت عمري ينتهـي لـك.
وتحيالي..ويحيـالـك قـلـب ذابــك
وتعني لي كـل حاجه...وآعنـي لـك.
ويعشقـك قلبي..وعيـنـي ماتهـابـك
وتسكن ضلوعي..وروحـي ماتشيلـك.
وأبعـدك مشتـاق..ودي فـي عذابـك
وتحترق لي شوق..وأتغلا وأجي لـك.
وأسألك محتار..؟..وأضحك من عتابك
ضعت فيني وأشهد إن مانـي دليلـك.
آآآه ليـت الوقـت ماعجـل ذهـابـك
وآآآه مني لاطـرت لحظـة رحيلـك.
ماذكـرت إلا دمـوعـي وإغتـرابـك
وماذكـرت إلا خفوقـن ينتمـي لـك.
عاد عيدك كل سنه مـن قلـب ذابـك
ماإرتوى منك غلا..(كيف أرتوي لـك)
والدليـل إنـي رثيتـك فـي غيابـك
وأنت عايش..!والشعر لك..(مدمعي لك)