[سعد بن بصيص ال فنيس]

بسم الله الرحمن الرحيم


:

:

:

انسرقنا ياحبيبي مادرينا=سرقت الايام غصبن ماهي طيب
راح عمري واليالي شاهدينا=والهوا والشوق والجرح العطيب
تذكر ايام الغرام الي بدينا=والغلا والحب والشوق الخصيب
تسري النجمات لامنا سرينا=ونبدي المشوار من عقب المغيب
نشفت ابيار المحبه مارتوينا=وان ضميتي شوق اشواقي قليب
لعنبو منهو يقول انا انتهينا=مانتهينا دام محبوبي قريب
لو تقول الناس حنا ماعلينا=حارو العذال بك ياغلى حبيب
لاحزنا تبكي القمره حزينا=نمسح دموع المسا ونقول عيب
الحزن ياليلنا منا وفينا=ذا خويك يالمسا ماهو غريب
تشتكي الايام حنا ماشتكينا=ولو يجور الوقت برضا بالنصيب
ياحبيبي كان بالدنيا خطينا=الخطا واضح مثل جرح الصويب
علم الي قال فالحب انتهينا=مانتهينا والنهايه علم غيب
ياحبيبي كانت موتتنا بيدينا=موتتي ولهان باحضان الحبيب

وسلامتكم
:
: