يـا ساعـة الفرحـه تشوقـت للعيـد
عيد العيون وعيـد قلـب الصبابـه
رد الجمال لشوفتي يـا اتلـع الجيـد
واسحب على حرفي لحـون الربابـه
حرفي بصوتك يا اجمل الصوت تغريد
يا رمز حبـي هـاك رمـز الكتابـه
يا صبح عمـر فيـك للعمـر تجديـد
وحبـك يجـدد كـل يـوم شبـابـه
للعيـن والقمـرا وحسنـك مواعيـد
وليل الهـوى شـرع للأحبـاب بابـه
ياما زعجت الصوت باسمك تراديـد
وياما نسيـم الوجـد يمـك سرابـه
وياما تمنيتـك علـى باقـي الغيـد
واقول مثلك يا غـلا الـروح مـا بـه
ابيك تهوى مثل ما اهـواك وتزيـد
يا من خفوق القلب حسنـك غدابـه
يا قطرة الغيمه علـى يابـس البيـد
رد الحيـاة لخافقـي يــا ذهـابـه