اجرح على كيفك وزيد الجرح بعنادك
اجرح وخل جرحك يخاوي جملة جروحي
مازادني جرحك ولاني بخايف بعادك
متعود قلبي وباني قمة صروحي
والله ماتوصل بجرحك غاية مرادك
ماهمني جرحك ولاانت بشايف نوحي
معاي لاتلعب وشوف العند مافادك
قلبي بيديني وفعلي يسبق شروحي
بامحي كيانك واعوفك شربك وزادك
وبيدي احطم حياتك واوصل طموحي
دام الغلا زاد بطغاك وقوى سنادك
وخلاك تتمادى وحار الصمت من بوحي
موقلتلك بيدي همومك وبيدي اسعادك
وفعايلك تكتب وفاتك في وسط لوحي
ماهمني جرحك وزيد الجرح بامدادك
ترى جروحك تقوي قلبي وروحي