مسّاكم اللّه بالخير جميـــع .......
قصيده ثانيه .. ( مختاره ) .. للمبـدع // مطلق بن شويــه
ليتنـا ياصاحبـي نعبـر الدنيـا شبـاب = كان أعيّفك المحبيـن قبلـي !! وبعـدي
لكن اللـي قدرتـه ماتغطيهـا السحـاب = خلّت الأعمار تاقـف .. والايـام تعـدي
أعرف إنّك من تراب !! ومـردّك للتـراب = خلّك اللي يُخلق إنسان .. ويموت أجودي
الوفـا فالحـب مثـل الأمانـه فالرقـاب = ملتزم فيهـا سنافـي !! وخاينهـا ردي
وأنت حاول تحفظ الود ياسمـح الجنـاب = مثل ما بلادك تحفظ الجمايـل لبلـدي !!
لاتغيّـرك الليالـي .. ويغريـك الغيـاب = وتحداني !! والجفا منـك حادينـي حـدي
نبض قلبي يوم ودّا .. ونبضه يوم جـاب = مايقول : الا عسى الله يسامـح ويهـدي
عد غلطاتك على يدك وأحسبهـا حسـاب = إنسها .. ومسامحك .. وأذبح لنفسك فدي
كود ذيك الغلطه اللـي تعـاب وتستعـاب = غلطةٍ ضيّعت عمري وراهـا وجهـدي !!
طعنةٍ من سيف عنتر ومن شلفـا ذيـاب = تنتهي بيـن الضلـوع القصـار وتبتـدي
ماهقيتك يوم الأجسـاد تسترهـا الثيـاب = بالجفا عريت صبري ؟! وعريت جسدي ؟!
ليه ؟؟ وأنا اللي عشانك تحديت الصعـاب = وفي دروبك متعب أقدام رجلـي بالعـدي
إن ضواني الليـل سريتهـا بليـا ركـاب = وإن نويت سهيل .. وجهت وجهي للجدي
من عذابي كل خطوه !! وخطوه من عذاب = الليالـي سرمديّـه !! ودربـك سرمـدي
وين أيمم شوف عيني وأنا اخيلك سـراب = كل ماضميت زولك تلاشـى مـن يـدي
مذهبٍ حالـي بطاريـك يامـال الذهـاب = مابقى فالقلب مـن سبّتـك عـرقٍ نـدي
ليت مايفتح على باب شعري منـك بـاب = لاتثاقلت إجلسـاي .. وجفانـي مرقـدي
وأرسمك قدام عيني على صفحـة كتـاب = وأنت بين السالميّـه .. وبيـن الأحمـدي
إن نسيتك .. فأعرف إنّي موارا فالتـراب = وإن تذكرتك .. عسى الله يسامح ويهـدي
وان تعدتك المشاريه .. وأخطاك العتـاب = أعرف ان منتب سنافي !! ولانتب أجودي
وسلمتـــــــــــــــــــــــــوووا