اصعب سؤال اللي جوابه للأسف مثله ســــــؤال...!
ما هو تفلسف الا موقف صار واسمع ثـاني بيت...!
البارحه يومه ســــــأل وش ذكرك ذيك الليـــــال...؟
كان الجواب بكل بسـاطه من متى اصلا نســـيت...؟
ادري بان جمع الصعوبه والبساطه شي محــــال...!
لكنها صارت كذا واللي اهم اني دريـــــــــــــــت...!
ان الحياه فبعد احبابك اذا جــــف الوصـــــــــــال...!
اتعيشها لو تقتنع انك خلاااااااااص اصبحت ميت...!
يا صاحبي لو كل شي يمر بالخـــــاطر يقــــــــال...!
ما كانت العبره تـــــــــــــولجني اليا منك طريت...!
شفني قدرت احبس دموعي بس دمع القاف سال...!
ويا كبرها ساكت ولكن داخل اوراقي بكـــــــــيت...!
عمر الحكي ما كان دافي لا ابتدى بقولة تعـــــال...!
لجل اتجاهل رجفة حروفي اليا مني حكـــــــــيت...!
الحال في بعدك قســم بالله ما اسميه حـــــــــــال...!
انوي على الضحكه واحس كلي خطـا لاني نويت...!
اتصور انك من رحلت اشوفك لجسمي ظـــــــلال...!
لا شفته امشي ببتعد واثره معي مهما مشــــــيت...!
مدام يعني في بحرك لفرحتي مليون جــــــــــــال...!
وش فيه موجك ما ركد..؟ قربت اموت ومارسيت...!
يرضيك ما عادت معي تفرق اذا جالك مجــــــــال...!
لاني اقتنعت انك نهايه واني ببــــــــطي ما بديت...!
صرت اعقد حجـــاجي اذا جابوك باطراف الجدال...!
وانا قبل لاقالوا اسمك كني ميت ثم حييـــــــــــت...!
تعبت اعيش الدور وافتح للمعاذير الخيـــــــــــال...!
واتخيل اني جيت في بالك وبانك استحيــــــــــت...!
وتردلي كلك وله وتقول كن البعد طــــــــــــــــال...!
ومن الفرح ما عاتبك واقول ياخي مابغيـــــــــت...!
حتى وانا تخيل حشمتــــــــــــك لن قلبي لا يزال...!
يكرر اسمك داخل اعمـــــــــاقي بنبضه لا سهيت...!
قلي شسوي فيك وانت بداخلي اصـــــــــدق مثال...!
للحب واحساس القصيد ان عانق الليــل وسريت...!
ربي يصبرني على الفرقــــــا مدام الحظ مـــــــال...!
وانت بيجيلك يوم تعرف ليه في بعــــــدك شكيت...!
واذا بلاك الله وعذبك اشتياقك بس تعــــــــــــــال...!
واقرى القصايد في غيابك كلبــوها بيـــت بيـــت...!
بتدرى ان اصعــــــب سؤال اللي يجي رده سؤال...؟
لا قلتلي وش ذكرك ثم قلتلك متى نسيـــــــــــــت...؟