السلام عليـكم .....
تهيضْـت ياسبّـاع لـدارٍ ذكرتـهـا
ولاعاد منهـا إلا مـواري حيودهـا
سبّـاع أمّـك تبكـي بعيـنٍ حفيـه
ودموعها تحفـي مـذاري خدودهـا
ولكن وقود النار باقصـى ضميرهـا
هاضَ الغـرام و بيّـحَ الله سدُودهـا
ولكـن حجـر العيـن فيهـا مليلـة
ولكن ينهـش موقهـا مـن برودهـا
دمـعٍ يشـادي قـربـةٍ شُوشلـيّـة
بعيـدٍ معشّاهـا زعُـوجٍ قعـودهـا
زِعبـيّـةٍ يـاعـمّ مـانـي همـيـه
ولانى من اللـيّ هافيـاتٍ جدودهـا
أنامن زِعب وزعب إيـلاَ أوْجَهـوا
على الخيل عجْلاتٍ سريعٍ ردودهـا
أهل سربةٍ لادْبـرَت لكِنّهـا مهجّـرة
وِنْ أقبلت كـنَّ الجـوازي وُرودهـا
لطـاح طايحهـم شـوي ترايـعـوا
تقـول فهـودٍ مخطيـاتٍ صيودْهـا
لصاح صياحٍ بالسّبيب اِفزَعـوا لـه
عـزيِّ لغمـرٍ ثبَّـرت بـهْ بلودهـا
لحقوا على مثـل القطـا يـوم ورد
متغانـمٍ عيـنٍ قــراحٍ يـرودهـا
خيـلٍ تغـذّى للبـلا و المـعـارك
ترهِب صناديد العِدا فـي طرودهـا
لا تلقحونَ الخيل يـا زعـب ياهلـي
ترى لقاحَ الخيـل يـردي جهودهـا
إن جَن سماحَ الخـدّ مايلحقـن بكـم
ون جن مع السّنْداء لـزومٍ يكودهـا
جينـا الشّريـف بديرتِـه وإلتقـانـا
كـلّ القبايـل جامعيـن جنـودهـا
طَلَبْ علينا الخُورهجمـت قصيرنـا
مصمـل يبغـي حنازيـب سودهـا
يَامَـا عطينـا دونهـا مـن سبـيّـه
تسعين صفـرا حسبهـا ومعدودهـا
تمامهـن شعيطـان خيالـة مهـوّس
أصايـل صنـع النّصـارى قيودهـا
يقطـع قبيلـةٍ ضفـهـا مـايـذرّى
تشدي جمـالٍ عظهـا فـي بدودهـا
قصيرنـا فـي راس عيطـاً طويلـة
يحجى ذراها من عواصيـف نودهـا
عيّـوا عليهـا لابِتـي واحتمُـوهـا
بمصقّـلات مِرهِـفـاتٍ حـدودهـا
حَرَبنـا والبنـت نـشـوٍ بهاامـهـا
لين استتمت وستـوى زيـن عودهـا
تسعيـن ليلـة والعـرابـا معقّـلـة
بشمخ الذراء محجـزاتٍ عضودهـا
شقح البكار اللـيّ زهـن الجنايـب
قامت تضالِع مـن مثانـي زنودهـا
خيلٍ تناحي خيـل وتضـرب بالقنـا
مثل التهامي يـوم أحلـى جرودهـا
بنـات عمـيّ كلّهـن شقّـن الخبـا
بيضِ الترايـب ناقضـات جعودهـا
علـى الحنايـا نقضـن الجـدايـل
سمـرِ الذوايـب كاسيـات نهودهـا
وجيههـن مثـل مـزنـةٍ عقربـيّـة
هلت مطرها يـوم حنـت رعودهـا
كلن نهارَ الهـوش تنخَـى رجالهـا
ستر العـذارى بالملاقـى اسودهـا
لباسـةٍ للـدّرْع والطـاّس باللـقـاء
على سروج الخيل عجـل ورودهـا
مِـن صنـع داود عليهـم مشـالـح
تجيبه رجـالٍ مِـن غنايـم فهودهـا
يـا ماطعنـوا فـي حربـةٍ عولقيّـة
شلف تلظى يَشـرَب الـدّم عودهـا
الليّ ايتموا في يـوم تسعيـن مُهـرة
مامنهـن اللـيّ ماتـلاوي عمودهـا
تسعين مع تسعيـن والفيـن فـارس
تحت صليب الخدّ تطـوى لحودهـا
تسعين بين بني عمي وابوي وخوتـي
وتسعين عنانٍ واللواحـي شهودهـا
قبيلـةٍ كـم أذهبـت مِــن قبيـلـة
اذا عدّت الجـودات ينعـدّ جُودهـا
زِعب أهلَ المـدح والمجـد والثنـا
من الربع الخالي الى الحجاز حدودها
إن أجْنبـوا للصّيـد منهـم تـحـوّز
الربد والوضيحي والجوازي عنودها
وِن أشملـوا تهـجّ مِنـهـم قبـايـل
ودارٍ يجونهـا ضدهـم مايـرودهـا
إذا انتـوو فـي ديـرة ياصلونـهـا
تِقافـت ال ظّعـان عجـلٍ شدودهـا
واركابهـم يـمّ العِـدى مِتعبينـهـا
بيضَ المحاقـب مقتـرات لهودهـا
يَامَاخذوا مـن ضدّهـم مِـن غنيمـة
مـن ذاق منهـم ضربـة مايعودهـا
نمـرٍ تشـادي للجـراد التهـامـي
ماطاعوا الحكام مـن عظـم كودهـا
أشـوف بالحـره ضعـون تقلـلّـت
ابـوي حمّـاي السرايـا يقـودهـا
شفي معـه صفـرا تباريـه عنـدل
مـرٍّ يباريـهـا و مــرٍّ يقـودهـا
أنا فتـاة الحـي بنـت بـن غافـل
كم مِـن فتـاةٍ غـرّ فيهـا قعودهـا
شرشوح ذودٍ ضـاربٍ لـه خَريمـة
مـا ودّك يشوفـه بعينـه حسُودهـا
حوّلت من نظوى ورقيـت سرحـه
حطّيت لـي عـش باعلـى فنودهـا
جاني ركيبٍ ونوّخـوا فـي ذراهـا
وشافني عِقيدَ القوم زيـزوم قودهـا
قال حولي يابنـت وانـتِ بوجهـي
ولا جيته إلاّ واثقـة مـن عهُودهـا
أمـرٍ كِتبـه الله وصـار وتـكـوّن
وسبّب علينا من الأَعـادي قرودهـا
بحـرب شِديـدٍ ماتمـنّـاه عـاقـل
يعده اللـي صاغـر فـي مهودهـا
ذكرت يوم فايـتٍ قِـد مضـى لهـم
ويومٍ علينـا مـن ليالـي سعودهـا
ضوٍّ زمت للمال من عقـب سريـة
ضوٍّ زمّت عودان الارطىَ وقودهـا
لكن قرون الصّيد مـن خلـف بيتنـا
هشيم الغضا يدني لحامـي وقودهـا
تسعيـن عـدد صيدنـا فـي عشيّـة
وضيحيّـة نجعـل دلانـا جلودهـا
قنّاصنـا يـروح شريـقٍ وينثـنـي
ويجي بالجوازي داميـاتٍ خدودهـا
وروّاينـا يـروى بيومـه وينثـنـي
ويجي بالجلادى لاحقـاتٍ حدودهـا
وغزّاينـا يـروح بيومـه وينثـنـي
ويجيب العرابـا ضايمتهـا ديودهـا
لنـا بيـن حَبْـر والغرابـة منـزلٍ
نهـد فـي زيـن العرابـا قعودهـا
حنّـا نزلنـا الحـزم تسعيـن ليلـة
وغلّ الأعادي لاجـيٍ فـي كبودهـا
ِقليبـنـا غـزيـرةَ الـجـمّ عيـلـم
ما ينشدون صدورها مـن ورودهـا
طوله ثمانٍ مـع ثمـانٍ مـع أربـع
قبلي واسـط فـي مـلاوي نفودهـا
وهي بحـد ّ الحـاذ مـن الغضـى
مادارهـا الـزرّاع يبـذر مدودهـا
ألفيـن بـيـتٍ نازلـيـن جبـاهـا
والفيـن بيـتٍ بالمظامـي ترودهـا
تخالِفـوا فـي يـوم تسعيـن لحيـه
علشان وقف الأجنبـي فـي نفودهـا
دارٍ لِـنـا ماهـيـب دارٍ لغيـرنـا
تحدّهـا الرّملـه لمـوارد عدودهـا
يــآآزيــــــــن قصيـــدة بنت ابن غـــــــــــــآفــل ...
عــز الله شااعــرهـ .......
ونعـــــــــم بـ زعـــــــــب ,,,, هــل الحيــزآآآ