يتبلد الاحساس والخافق ينوح
اقول لك وإلا إني اسكت ولا اقول
كانك مصّر آقول والسر مفضوح
خلاص انا بقول ! بس انت مسؤول
تبي الحقيقه ياغلا القلب والروح ؟
مشكلتي ؟ ان المشكله مالها حلول !
احيان احاول ابتعد عنك وروح !
واحيان ابيك تكون جنبي على طول !
البعد جرح ولاني بناقص اجروح ,
وابيك هذي ؟ حلم والحلم مقتول !
يعني ما ابي بعدك وإذا رحت مسموح
وإلا مابي قربك واذا جيت لاحول
ماهي تفلسف لا ولا حب للبوح
إلا حقيقه ... جالها داخلي حول
مشكلتك ؟ انك قلت ما قلته مزوح
ومشكلتي ؟ ان المشكله مالها حلول