جيت اواجه قلب عاشق وارتبكت من الزريه
قلت اودع بالحنايا زفرتينٍ مابعدها
يازمان.. ارتاح مني .. واترك الباقي عليَه
لعنبوها من خطايا ماعرفت احصي عددها
ما ذبحني الا التمادي والمجاهر بالخطيه
من هنوفٍ ماتضيق الا.. على مثلي فقدها
ماخذه طبع البداوه بالوفاء والعنجهيه
تعطي الدنيا سلام ولاحرمتني من نكدها
رابيه برض الحجاز وتغترب نجد العذيه
ليتها يوم عرضت لي00تسبق الصدفه وعدها
ليتني صديت عنها ماوقفت اصفق يديه
الستر لابارك الله فالعباه وفي جسدها
وليتها من رحمة الله سوت المعروف فيه
قبل اشوف الملثم اللي تمسكه بطراف يدها
والله اني لو اردد واهنيه واهنيه واهنيه
اشهد انه لاضمي يضمى ويروى من شهدها
اسرفت في زين اهلها وجيلها ياخذ شويه
واشهد ان الله عطاها لو حسدها من حسدها