خـلاص (ياحلوه)وصلنـا للـفـراق
اعلنت موت الحب واعلنـت الرحيـل
مليت مـن كثـر التصـدد والنفـاق
ماعاد ابـي لـك لاكثيـر ولا قليـل
الحب لامـن صـار كذبـه مايطـاق
والشوق يذبل لاسكـن كـف البخيـل
كيف الهوى يمشي وهو مكسور ساق
والوصل قاعه في يـدك عيـا يسيـل
مثل العقيم اللي تصيح مـن الطـلاق
عيّت تعالـج ودبلـت كبـد الحليـل
ماعـاد فيهـا لا وئـام ولا وفــاق
عمـر المثلـث ماتحـوّل مستطيـل
ماحب اعيش بخيمتك مثـل الـرواق
ان كان ماصرت العمود ايش الحصيل؟
طبعي كذا ماحب اجي ضمن السيـاق
الله خلقنـي شامـخٍ مثـل النخـيـل
وانـا اذا هاجمـت احـب الاختـراق
وان ماخترقت اقول لك (شكراً جزيل)
اهم شي (ما)لوجـه احفظـه لايـراق
بعض التعـادل يعتبـر نصـرٍ جليـل
مابي تكون انهايتـي مثـل العـراق
يومه فرض نفسه على شعبٍ اصيـل
مدام بيتك ضاق بي والصـدر ضـاق
ليه اتحرّى اتسوق لي فنجـال هيـل
اعز نفسي والعـن ابـو الاشتيـاق
واخلِ السبيل برغبتي اخـلِ السبيـل
صحيح احس من الوله فـيْ اختنـاق
لاشك (عقلي)مستحيـل انـه يميـل
جيتك غلا واليوم جيت ابـي الفـراق
عفواااا محب اعيش انا عيشة ذليـل