السلام عليكم ورحمة الله وبركاته
هلا اختي قبلة العجمان
مشكوووورة على الموضوع الحلو للنقاااش والحوار
بالنسبه ليما ذكرتي بموضوعج
إكمال الدراسه أم الزواج ..!! أيهما فى مصلحة الفتاه..؟؟
الاثنين مهمين للفتاة ولصالحها الزواج حتى ما يفوتها القطار وحزتها تتحسف انها قضت طوول عمرها بالدراااسه وبنفس الوقت الدرااسه هم مهمه حتى تقدر توااصل بطريقه صحيحة بحياتها وبتعاملها مع كل شي يدور حولها بالاضافه الاسلام والرسول حثنا على العلم والتعلم والانسان ما يكون جااهل وعليه انه يعرف بالي يدور
"الكثير من العوائل ترفض تزويج بناتها فى مرحلة الدراسه فالدراسه أولا ومن ثم الزواج ..هل وجهة نظرهم صحيحه ؟؟"
بالنسبه لرايي وجهه نظرهم غلط لانه هو بالاول والاخير شي رااد للفتاة نفسها يعني هي لو تبي تتزوج وهم يفرضون عليها الدرااسه مستحيل رااح تنجح بدرااستها وتتفوق ونفس الشي بالنسبه للزوااج وهذه الدراسه ولاالزوااج يكون برغبه منها هي لانه الاجبارالشخص على شغله عمرها ما تكون ايجابيه للفرد المجبور عليه
"أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟ "
بالنسبه لهذه التوفيق بين الزواج والدرااسه يكون من تنظيم الفتاة نفسها بالاضافه الى هذه المفروض يكون الزوج معاها لانه هو المساعد الوحيد لها على التوفيق بين الاثنين يعني يكون مراعي لها بوقت الدراسه ايام الامتحانات هو اكبر عون ومساعد بهذا الوقت المفروض هو يشجعها ويحثها على الشي هذا الا اذا كان هو مو مال درااسه ولا يحبها يعني راح يكون بهذه الحاله فرعون مو عون لها وهي اللي يعنيها
"هل الشهاده الدراسيه اكثر ضمانا لمستقبل الفتاه من الزواج ؟؟
لزمنا الحالي هو اكبر ضمان لانه مثل ما يقوولون الرجال مالهم اماان ابدا فوق كل هذا الشهادة اللي راح تاخذها بامكانها انها تفيد زوجها فيها وبعدين هو يكون له فخر لما يقول زوجتي مدرسه ولا دكتورة ولا غيره يفرح لها ولنجاحها
"هل الزواج فى سن مبكره السبب لحالات الطلاق حيث يكون الزوجان غير مهيئين لتحمل المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه زوجها وبيتها ،، فيحدث الأنفصل من أول مشكله أو خلاف..؟؟ "
صح اغلب الزيجات اللي تكون للي بسن مبكرة يتطلقون لانهم توه صغار ما يعرفون شلون يداارون على انفسهم مو هالدور يتحملون مسؤؤليه بيت وعيال وغيره
وبالاخير كل شي رااد لرغبة الفتاة نفسها اذا كانت تحس انها تلاقي نفسها ببيتها ومن غير درااسه خل تتزوج افضل واللي تحس انها تقدر توفق بين دراستها وبيتها شي واايد زين والله يوفق الجميع
اعذروني للاطاله ومشكورة على الموضوع
تحياتي لج