[حـسـن ألـحويـدره]

السلام عليكم ورحمة الله وبركاتة
كيف حالكم جميعَ وبعد طول الغياب أرجع بهذهي الرائعه لا بن فطيس المري
أترككم معها



يا شين طبعٍ فيك .. يـا زيـن الأطبـاع
لولا الرجاء .. ما كان خلّيته .. يفـوت
سَنَع .. يشـوّه لا تذكّرتـه .. أسنـاع
مثل الحصاة .. اللي وسط عقد ياقـوت
تخفي هيامك .. وإنـت ميّـت وملتـاع
ما تدري إنه في ملامحـك .. منحـوت
ويبخل لسانك .. وإنت للسمع .. طمّـاع
والبخل .. في سِلْم المحبين .. ممقـوت
الحكي .. قوت السمع / وأسامعي جياع
ومسامعي ماتت من الجـوع .. للقـوت
وحكي الغزل في صدرك أشكال وأنـواع
لكن صمتك .. حوّل الصـدر .. تابـوت
إلا طَلَبتك وصـل .. صعّبـت الأوضـاع
مدري .. من اللي درّسك جعلـه يمـوت
تصد .. ما كنّك مـن الصـد .. مرتـاع
وإن قلت : يا القاطع .. تلفّـت مبهـوت
أقطع بـدَرْب مواصلك في الشهر.. بـاع
وإلاّ إنت تقطع للوصل فـالسنة .. فوت
طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخـوت
وإلطف بحال اللي نحل حاله .. و راع ..
قلبٍ جروحه .. تنزف أفكار .. وبيـوت
قلبي .. إلا منّه شرى قلب .. مـا بـاع
وإنت هالله هالله فيه .. والعمر موقـوت
اسمع أشعاري في الهوى وارخ الأسماع
ياللي غلاك بـتربة القلـب .. مكتـوت
لا .. للفراق .. و لا .. لتجديد الأوجـاع
ونعم .. نعم للوصل .. لو كان بالصوت






مما راق لي ..

الشاعر / محمد بن حمد بن فطيس المري