أمطرت مزن القصيد بـداخل الصدر الرحيـب=تغسل ضلوعي وتزرع باقـي آمالـي نبـات
لجل عين ٍ كنٌهـا رجـآل فـالدنيـا غريـب=ودٌع عيالـه ويـدري مالهـم عنٌـه غنـاة
صورة أصغرهم بعينه تشرح الوجه الكئيـب=ودمعة اكبرهم تبرر دمعتـه عنـد المبـات
لانوى الراحه تذكر صوت بنتـه : لآ تغيـب=وان نوى المسرى خذله الجهد من ثقل الخطاة
يوم كان الزاد عندي طعنتيـن ٍ مـن قريـب=والمطيٌه هالقصيد إلي علـى رزق السكـات
الطريق إلي يودٌي عيبـه إنٌـه مـا يجيـب=دام كاسيه الظلام إلي علـى وجـه الصفـاة
كنت اقول ان النجاة احيان في ترك النصيـب=واثرني مالي نصيب ومفلـت ٍ حبـل النجـاة
أستميت لـصاحب ٍ زعلان وارضي لي حبيب=واترك حقوقي سبيل تفيدني عقـب الممـات
لا ضحكت اضحك عشان اخبٌي الجرح العطيب=مقتنع إنٌي أمـارس وقتهـا غـدر الشفـاة
أتجاهلهم وانا اسمع داخل ضلوعـي قنيـب=لـلعروق إلي لحقها الضيم من اربع جهـات
أشهد إنٌه ما يحط أحيان مـن قـدر اللبيـب=غير شوفه فـالمجالس ملتفت يـم الرعـاة
لن سكت الحمدلله طيٌـب وساسـي عريـب=وان عفوة العفـو شيمـه للرياجيـل الثقـاة
من بغى صاحب بدون عيوب ما يلقى صحيب=عادة الإنسان يخطي لكـن الفـرق السـواة
لجل هذا كون فـالدنيا كمـآ حـآل الغريـب=ودٌع عيالـه ويـدري مالهـم عنٌـه غنـاة
0
0
الشاعر / بدر الوسمي