.
.
.
.
جيتك بـ( جرح ٍ ) لمسة يديك طبّه
معي من ورود المشاريه باقه
جيتك وانا رجم التحاسيف اذبّه
ياللي فتحت لضيقة الصدر طاقه
علاقتي معك انت ماتنتشبّه
أسمى علاقه لكن اغرب علاقه
الاصدقاء ماهم بمثل الاحبه
تفهّم الموضوع على رواقه
كنت احسب ان اوضاعنا مستتبّه
وآثر الغلا شمع ٍ يزيد احتراقه
وشلون فنجال التراجع تصبّه
وتقتل بـ( خلك ) لهفته واشتياقه
والا كذا من دون داعي وسبّه
اكفاك من تمر الغرام الذواقه !!!