السلام عليكم ورحمة الله وبركاته
هذي قصيده لشاعر هايف بن نعيم المطيري يرسلها لمتعب عوض المطيري يصف فيها البنز
ويشكره على الجهود التي بذلها في أدخال الشوارع والأناره في قريته رغم العوائق التي صادفها
ويقول:
ياراكب الى قبل شهر وروده=شغل النّصارا بتيل والمسامير
ليامن سلفه تل طارت عموده=حضرله الشاكوش بنّار تحضير
شغل وخله لين تطفي البروده=اللمبه اللى ولعت فيه تحذير
صبرك ثواني لين تكمل بنوده=والزيت يطلع فوق روس العصافير
زيته من الكرتير يبدا صعوده=ويمر بسّيفون يزداد تكرير
يصرف على المطلوب ويرد زوده=على البلوف يقطر الزيت تقطير
من مخزن البترول يسحب وقوده=البمب يسحب طاقته مع مواصير
وزّعله الشاكوش نارِِ تزوده=أطهر العادم عن البلف تطهير
أي أل خمس أرقام وصفرين زوده=وعلامة المصنع مثلث وتّدوير
بنزِِ سباريت الخلا ماتقوده=ليا فرت الهوبات سمر الخنازير
أليا دعى سفليتره بان زوده=أما تلافا سرعته يقطع السير
أسبق من الي لطليع أمهدوده=شيهانتِِ يوم أطلقوها الصقاقير
نصه لمن بّطيب أثبت وجوده=متعب عوض نطاح كل المخاسير
متعب عوض بالمرجله بان جوده=سبقِِ على الطالات من عاده أصغير
للمرجله بادر وكرّس جهوده=وفقله الرحمان في حسن تدبير
كون بلد من عدمه لا وجوده=غصبن عن الحساد والواشي الغير
كمل طلباته ورسم أحدوده=وزود شوارعها بناره وتغيّر
البيت رفع لنشامه عموده=ذولا يخطرونه و ذولا مسايير
له مجلسن فتخان الأيدي تروده=تعاقبت فبه الّدلال المباهير
فيه الشحم موجود والطيب عوده=يذبح ثمان الضان ماهي همارير
وأنا على ذالك من أول شهوده=هذا كلامِِ صح مافيه تزوير
متعب ولد ماكل شيِِ يقوده=عنه الردا بعد الكرى عن شمنصير
تخير الأسباب من كل جوده=أخذ بنات الشيوخ من حرب ومطير
أختار لبّنه مايسارد أعضوده=المرتب الى طيبِِ والله أخير
علاه عن نسبن يقرب أخموده=ابعد عن البوّام عكف الدنازير
عشير من كن القمر في أخدوده=لونه بياض ونسبةِِ فبه تّحمير
تقول فقعات الزبيدي نهوده=في حاجرن صكت عليه النواوير
على نهوده ضافياتِِ جعوده=شقرِِ على متن الحبيّب دعاثير
وأختار من ذودن مغاتير ذوده=وضحنِِ تلاعج كثياب المغازير
أليا أوحن المّنداب بصوت يوده=من ولفهن ماينضرن المقاهير
ذوده وسوم أمطير على أخدوده=هلالين على أخدودهن والمواخير
يالخاالدي الشااعر معااصر البنز؟
الله يجزااك خير لاتسير نااقل
اكتب وانت واثق