اخي الخاالدي مااعنيت نفسك وجبت القصيده الي طلبتها بس ابشرك جبتها
وماادري كن القصيده جديده
اخوي الخالدي لاتخبط في التااريخ تراا عيب تجيب طرف الساالفه
المهم القصيده مدح في قبيلته يعني الرجال حر كيفه
انت بعد تقدر تبنيلك تااريخ من بعد حرب ماجد بن عريعر ؟
اسمحلي يالخاالدي انت جيت من اقصااك كنك تقول ياالله يارب تكون السالفه صدق؟
الشاعر :هايف بن نعيّم المطيري (شاعر غطفان)
حنا مطير بسم أبونا عرفنا***** يعرف لقبنا في ثلث الجموعي
حنا بحمران النوظر وصفنا***** لاثارة الهيجا ولبس الدروعي
الناس تكره حربنا من صرفنا***** لنا فعولن بالمعارك تروعي
من قو شدة باسنا ماولفنا***** يهابنا بالحرب مسلم وشوعي
لا شافوا الفرسان زينت عطفنا***** تشاورو مابينهم بالرجوعي
كم راس شيخن من جواده حذفنا***** عليه هلن البنات الدموعي
ماجد عجز ماردنا عن هدفنا***** هو والذي جمعلهم من فزوعي
حماي بيض الحباري عرفنا***** وأقفا عن الصمان من غير طوعي
حنا على غير الأراضي حلفنا***** مايسكن الصمان بالقبر دوعي
حناا لعكفان الشوارب وقفنا***** منزال بين محقبا والسموعي
حامينها الدوشان من كل عفنا***** بمهنداتن تجعل الصلب طوعي
ألأ لقومن من منهو بطرفنا***** سلنالهم عاني بمان الرتوعي
حنا ليامنا من خصم شفنا***** خيانتن نجزاه بنوع نوعي
حنا على سلم العرب مختلفنا***** ريف الدخيل و للخوي مانتوعي
ومن خان خويه لراسه خسفنا***** ونصلخ وجيه مخسبقين الطبوعي
برغش ومغلب من هذولا أنتصفنا***** صارو نقا لوجيهنا في سبوعي
ناخذ بثار الوجه مهما كلفنا***** أخذة بثار الوجه عادة ربوعي
تفنا ألأمم والوجه حقه ميفنا***** تبقى حقوق الوجه من أي نوعي
منيعنا مانذبحه منعففنا***** ذبحت منيع الرجل عمى الصنوعي
عن ذبحة الممنوع نعلن بأسفنا***** مايذبح الممنوع كود التبوعي
نكرم سبال الضيف ليامن ضفنا***** عليه أمان الله وملي الضلوعي
عن ذبحت الضيفان يابا شرفنا***** أليا ذبح ضيفه خطاة الدنوعي
على دلاله غال ضيفه وجفنا***** باليل يومن الأوادم هجوعي
أنفوسنا عن مثل هذا يعفنا***** الضيف والممنوع ماله نروعي
بفجوج نجد قد سعينا وطفنا***** من البحر أليا البحر بالنجوعي
حنا خلفنا مثل ماضي سلفنا***** يومن كلن في ذراعه يبوعي
أسأل أوريط عن لأدما وأتعرفنا***** وألأ صباح القرن يومن فجوعي
مخبلك يارجلن تبا تختطفنا***** وحنا مسيرة الدبا بالسنوعي
ماعمرنا من ناطحات الضد خفنا***** نذبح ونذبح بالمعارك جموعي
حنا مطلقت النساء من عنفنا***** أليا زل بالهرج خطاة الطقوعي
شايق لك الله عن جواده حذفنا***** وأخذنا على طلاق نوره ربوعي
هذال طلق حرمته مايقفنا***** في نجد أبن شفلوت وأصعير دوعي
وحنا على عكسة كلامه حلفنا***** ليبيدنا و ألأ ليرجع رجوعي
نايف (بن هذال بن بصيص) زهمنا من عليه ألتففنا***** كلن دعا غاليه قبل الوقوعي
شافوا ورغبوا ثم شفنا وعفنا***** من قلنا وألأ مهو قصر قوعي
هذال ظنه كان يلعن جدفنا***** يطامعن بمطير قدمك طموعي
جمع أمم لحسابهم ماعرفنا***** والكل منا في عدوه قطوعي
زحفوا ألينا ثم أليهم زحفنا***** كلن على ماقيل ركبه وكوعي
بالحرمليه لخو هملا عسفنا***** هذال عرفناه طرق السنوعي
أشجع قبيله بالجزيره عرفنا***** ماذمهم وافين في كل نوعي
ياطيبهم لكن بطٌيب طفنا***** هزيمتن على عتيبه شنوعي
جنودهم بالكثر ماينوصفنا***** وحنا عددنا ثلث هذا الجموعي
أحدا عشر بارق جميعن صرفنا***** بالمارتيل أمحكمات القموعي
يهيب صوت الروم يوم أرتجفنا***** بارودهم يسدي ضباب البدوعي
يوم أحتما الوطيس لروح بعنا***** بعنا وعادات المطيري يبوعي
حتى من الخصم العنيد أنتصفنا***** وأقفوا على المروة مامن رجوعي
الناس مع هاك الثنايا ذلفنا***** الحي وألأ الميت مليا التلوعي
شجاعتن منها المعادي يخفنا***** عاد القليل وهازمله جموعي
أول طلق ببن محيا نسفنا***** والدم مع شريان قلبه يسوعي
وفلاج بالدشه خلافه حذفنا***** بالمعركه خلي عشا لربوعي
تخوفنا ياذيب ثم تعرفنا***** تسري وبطنك لاقين فيه جوعي
مناخنا بالحرمليه عرفنا***** ضربه من الصعران لفهيد توعي
هذال أخذنا عطفته مع أعطفنا***** بالمعركه قفوا وخلوا الفروعي
عـــزي لمن حنا عليه أنعطفنا***** جزامتن عزامتن بالبتوعي
الله من شيخن لعمره قصفنا***** نطاح كربوس السبايا قطوعي
أما على الجبهه لراسه نصفنا***** وألأ على الدفه مثانا الضلوعي
روس المشايخ بالمعارك علفنا***** مانذبح ألأ من كبار الفروعي
عطام راسه عن أمتونه نقفنا***** في طلقتن خلة أدماغه ميوعي
خمسين لحيه بالبواريد لفنا***** يوم أخلفوا سلم العرب والطبوعي
بالضلعه الي شرق حرما وصفنا***** أنظر عدم كثره تحتها أخشوعي
يومن أبن حثلين جيشه ثقفنا***** خلوه رجحان الهوامل أمزوعي
أضهور السواني في نحرهم وقفنا***** والكل منهم بندقه ما تتوعي
ومن العوازم أخذين نصفنا***** ألي قتل في ثار هابس جموعي
أنظر دماهم بالوطن مانشفنا***** في صيهد الجبجوب مثل الجذوعي
وقعت لبن مامثلها اليوم شفنا***** يومن على الفرسان هوله يروعي
بارق مقابلنا وبارق ردفنا***** وبارق كسرنا شوكته ماينوعي
في حملة العدوان نبري حسفنا***** نسقي الكبود المر حتى تزوعي
من هومة ألأضداد نروي حنفنا***** حنٌوف في راس المعادي قضوعي
سبعة سويطاتن بحده لهفنا***** بالمعركه مثل الخشيب الصروعي
كم راس منعورن بحده شلفنا***** الراس طار ولأ بقا ألأ الجذوعي
يوم الرشيد في طريقه صدفنا***** عشرة أرجالن مواقفينن جموعي
أليا هزمناهم وقلنا ذلفنا***** لحقبهم تسعين فارس فزوعي
الشيخ ركب أخيالته وألتقفنا***** قصت تبيعتها أليا هي تقوعي
لو داهمونا مرتن محترفنا***** رحنا و صرنا لرجحان الطنايا قدوعي
لكن يوم الله عليهم سعفنا***** يرسلهم الحاقد علينا تبوعي
أمناطح التومان مامنه خفنا***** ياما نطحنا قبلهم من جموعي
نهار كامل حربهم ماكلفنا***** حتى غروب الشمس قنعوا قنوعي
ياما صرفناهم وياما صرفنا***** لكن ردٌات المطيري تروعي
قلوبنا بالحرب مايرتجفنا***** سلة سيوف الهند بعد الميوعي
أستيل بالشدات ما ينعطفنا***** مسجناتن ثم بيضن لموعي
يامن حمران النوظر عصفنا***** ورجالنا تسعه طويلين بوعي
تسعة عبياتن عليهم عكفنا***** خلوا تناثير الجليثي الجروعي
والطايره من عالي الجوا ورثنا***** ورصاصنا يوم الملاقى يروعي
راس الخليفه بالمشوك شلخنا***** الراس من بين العيون مهلوعي
حنا على بعد الغازي ولفنا***** صاهود ست أشهور ماهو سبوعي
تسعين ليله غزوته ماكلفنا***** مع مثلهن تسعين ليله رجوعي
الهجن مع درب أبن لامي وقفنا***** أرهق خفاف الهجن كثر الصدوعي
أحوالهن بعد المسيره نشفنا***** هزايلن عقب الشحم ماتنوعي
مامثل بن لامي عزيزن عرفنا***** صاهود مامثله من البدو دوعي
ألي يمارينا يباري سلفنا***** الكذب خيبه والتمني طقوعي
لوما العقاب الي بكفه خطفنا***** لكان في حكم الجزيره طموعي
وصارة لنا الخيره بعد ماصرفنا***** أمن و أمان و بالمساجد ركوعي