السلام عليكم ورحمة الله وبركاته
يقول الشاعر
جاني وانا في وسط ربعي وناسي
جاني نشلني مثل ما ينشل الناس
مني نشل الروح تشيل الماسي
تشكي من ايام الشقى تشكي الياس
اثر الالم في سكره الموت قاسي
ما هالني مثله وانا انسان حساس
جابو كفن ابيض مقاسه مقاسي
ولفوا به الجسم المحنط مع الراس
وشالوني اربع بالنعش ومتواسي
عليه ومغطى على جسمي لباس
وصلوا على وكلهم في مآسي
ربعي ومعهم ناس من كل الاجناس
يا كيف سوا عقبنا تاج راسي
وامي الحبيبه وش سوا بها الياس
اسمع صدى صوت يهز الرواسي
قولوا لها لاتلطم الخد يا ناس
قولو لها حق وتجرعت كاسي
لا تحترق كل يبي يجرع الكاس
اصبحت في قبري ولا به مواسي
واسمع قريع نعالهم يوم تنداس
ومن يوم قفوا حل موثوق لباسي
وعلى رد الروح صوت بالأجراس
هيكل غريب وقال ليه التناسي
صوته رهيب وخلفه اثنين حراس
وقف وقال ان كنت يانمر ناسي
هذي هي اعمالك تقدم بكراس
ومن هول ما شفته وقف شعر راسي
وانهارت اعصابي ولا ارد الانفاس
ياليتني فكرت قبل انغماسي
بالغفله اللي منتهاها للإفلاس
وفزيت من نومي على صوت ناسي
واصرخ واقول الموت واحذر الناس
وتوفى الشاعر بعدها بيومين بحادث مروري
غفر الله له ما تقدم من ذنبه وما تاخر واسكنه فسيح جناته
تقبلوو خالص تحيات أخوكم / سلمان بن ضيدان ..