تفضلوا هذه الرائعه
,,
يا دكتور شاكر جيت بسلومنا ناصيك ..! = لك الله ثلاث اسنين .. والحاله الحاله
(بالايحاء علمك) والآمل بعد (ربي) فيك = أبعطيك راسي وانفضه لين تحتاله
خزاين بسلمها مهمه وابا تاليك = لي اسنين مدري وين ..؟ حده ومنزاله
معا ذاكرة عقلي خبايا ولا أوصيك ..! = على الهون في طبك وحذراك تشتاله
علاجي يا دكتور الفكر صار بين ايديك = مدامك عرفت السر .. ( وافتلتت احباله )
ابي موقف(ن) لي مر واخذ الذي يرضيك = لو أن العقل من عام الأول يوراله
تصاوير فكري .. عجلت وانت ما يمديك = و (عزام) راسي حاضر وفاحت ادلاله
تكرم وربي بالاجر والعطا يجزيك = مرادي بعلمك بالرضا ( رقم جواله )
يا دكتور جيتك مؤمن(ن) بالذي معطيك = مجيي عليك اليوم واجب يلباله
تفضل ..! وراسي زاهب(ن) لك لكن أبيك = تبرمج خيالي بين غرفته للصاله
وهالحين ..! يا دكتور عجّل مدام أوحيك = وحدد مسارك بالفكر واضبط ارساله
هذا راسي اللي جيت لك فيه باوريك = خفاياه واللي بالشقا جاك يشتاله
بالايحاء علمك والآمل بعد (ربي) فيك = لك الله ثلاث وزود .. والحاله الحاله
للشاعــر : مرقــــاب العتيبي
..
وبس 