السلام عليكم
هذه اول مشاركة مني وياليت تعجبكم
جتني تقول الهم والحـزن والويـل
والضيق والالالـم والجـرح دامـي
تشيل جرح العمـر ليـل ورى ليـل
من الخيانـه صابهـا الانصدامـي
الحـب عذبهـا وسـوى الغرابيـل
تنزف جروح و جرحهـا مايلامـي
مايكف دمع العين مسـح المناديـل
ولا يشفي المجروح كثـر الهيامـي
حسبي على من يجرح القلب ويميل
اللي غدر بالحب واسمـى غرامـي
صارت ضحية حب لجروحها تشيـل
حتى لمشاعرهـا جـرح بالكلامـي
بنـت تخـاف الله وتكثـر تهاليـل
وصلاتهـا تحفـظ لهـا بالتمامـي
ورغم الوفاء ما اوفى لها بالمكاييل
ويله مـن الله ماعطاهـا اهتمامـي
عزي لها ضاقت عليهـا المداخيـل
ويـارب عجـل لحظـة الانتقامـي
يارب يامنشـي صـدوق المخاييـل
لاتخيب الداعـي لاصلـى وصامـي
عسى عوضها بالسنيـن المقابيـل
يقبـل فرحهـا وتهتنـي بالمنامـي
اقـدر المجـروح واحـس بالحيـل
اليا شكـى جرحـه وهمـه امامـي
ايوالله اني لاتعـب الفكـر تحليـل
واوجهه لـدروب خيـر وسلامـي
واعيش بالقصه واجـر المواويـل
واجاوب لصوت(ن) من الحب ضامي