الله يحييك يا بن مدور على كل حال في مجلس اخوانك
وأنت واللي ودك
وابن بشر والفاخري ما نقول في نسبهم ولكن نصحح أخطاءهم وصُحح لمن هم أفضل منهم والفاخري ( مشهور بالإختصار المفرط حد التهاون) وهو من أهل سدير ولا يساكن أهل الباديه وابن بشر كذلك يؤخذ منه ويرد عليه وأغلب مؤرخي نجد يعتمدون النسخ والنقل دون تمحيص
وتصطدم مؤلفاتهم مع تاريخ القبائل المتناقل والمتوارث في الأحداث الجماعيه والإجماعيه مما لايدع شك في النقص الذي يعتريها.
وأنت براحتك تبي فيصل الدويش قايد الدواسر والعجمان ويـام والسهول ومطير .. ماعندي مانع في الانترنت .. بس اذا جينا في مجلس الدويش ولا بن حثلين ولا بن قويد ولا ال لحيان وغيرهم أنصحك ما تقدم كلام الفاخري التميمي ولا بن بشر الزيدي على كلامهم ..لأنه منقود بين الرجال.
الحين هذي هديه لكم
من قصائد الفارس الشهير (( راشد المعيضي العجمي )) في مناخ الرضيمه بين العجمان وابن عريعر :
عندما نوخ العجمان لإبن عريعر قال المعيضي :
الجمع قِلّط يم سوق المباعه = والبل تعقّل والجماعة يحلون
واللي يبي له من عياله بضاعه=قل له يوصيهم مع اللي يذلون
الجمع كمّل مابقى الا زعامه= ضرب القديمي كمل اللي يوالون
بني عمر في حربهم سم ساعه= لي من هزعناهم شوي يعيّون
هم الذي سيف شباته مراعه =وحنا الذي نلطم شبا كل مسنون
يشدون فوح القدر وانا قداعه=تقدح شباهم كل ماجوا يعيلون
وسلامتكم