[ملهمة الشاعر]

السلام عليكم ورحمة الله وبركاته ..

أنقل محاوره شعريه درات بين عمالقة الشعر ..



الشاعر الكويتي /عايض الهاجري


والشاعر السعودي/علي بن حمري


عايض ..
ياسلام الله سلام ٍ يعتلي فوق السحابه"="من ضميري وأسمعوني ياشواعير النداوي

يالحبابي جر صوتك وأنت ذيب أمن الذيابه"="الله الله فالهقاوي لاتضيع أبك الهقاوي


علــي ...


اهلاً وسهلين ياوافي القرايه والكتابه"="وكلنا فى المنتدى نسّمعك ياالطير الشلاوي
بس طمّني عن المرقاب وأصحابه عتابه"="وش علوم المنجرح والجرح وأدواة المداوي ؟


عايض ...



ماعليك الا السوال ولا علي غير الأجابـه"="وأنتبه قدام لايقفيبـك السيـل النحـاوي
نحمد الله في نعيم وكلنـا ربـع وقرابـه"="عند صعبات المواقف نعتزي وقت العزاوي


علـي ..


أنت جر الصوت وأزهلها على قوس الربابه"="من قصيد (أبن عفيشه الهاجري ) ولاّ (الخلاوي ) ..
من غلاة السيف أبو حدين مغلينن جرابه"="حتى لونه حط بين أسمي وبين أسمه (=) !!



عايـض ..

أن بغيت أجر صوتي عارف ٍ نهج الصحابه"="وانت ناوي بس قلي ياولد ويش انت ناوي
أستريحي ياعصابـه وأستعـدي ياعصابـه"="والله أني لاحتمي دوري وكبك يالهـواوي ="




علـي ..


(يامسارير) اسمعو ماقال لي حضرة جنابه"="مايبيّن نيته مع خصمه إلا راس خاوي
لاتحسبني بجيب اقصاي .. داعبتك دعابه"="لنك رجالاً مافي وجهك سحا وانا سحاوي





عايـض ..


(( يابني قحطان )) دام العلم مابطلت بابه"="ماعلى راع الدعاوي غير في حل الدعاوي
جيت والا رحت ماشفناك والدعوه كتابـه"="انتبه قدامك اللي يعتبـر شاعـر وراوي


علـي ..

أنت ياعايض كلامك فيه من نوع الغرابه "=" أن بغيت أتطيح طعني لاتطيح الا متساوي

ياخليفة صاحبي سلطان ..لو وزنك يشابه "=" وزن أبن وسام وابيوتك كما السيل النحاوي


عايــض ..

الغريب أبليس في طبعه وشكله وأغترابه "=" والا أنا ياصاحبي يزهابي البشت الحساوي

صاحبي سلطان شاعر ماعلى شعره ضبابه "=" والأزمه ماتغطيها مغطيت الغطاوي


علــي ..

شاعر ٍ لاعد شعره مثل جنحان الذبابه "=" وشاعر ٍ لاعد شعره جاك مثل العود جاوي

اعلنوها فالصحافه واعلنوها فالنقابه "=" العطاوي ماطراه الا الشجاعه من مضاوي