صباح | مسا الخيــر
قصيدة تعبر عن نفسها
انقلها لكم
.
يا ذيب لا تنظر إلـ ذيك الشواهيق =اسمعك تعوي كن شيّن يحدك
مدري لفاك الضيم جمله وتفريق =والا هموم القلب صارت تشدك
يا ذيب بعوي مثل ما حدك الضيق=منت الذي تحمل اهمومن تهدك
همن تربع وسط سجن المعاليق=سيطر على حالي ومردي مردك
جيتك وهمي محرق القلب تحريق=وعبايرن هلت وانا بين يدك
اسباب من خلّف ابخدي طواريق=خشف المها غرون حلاها يشدك
جتني ابدمعن مزق الخد تمزيق=ثم وقفت قدمي وقالت بهدك
وش السبب قولي بصدقن وتدقيق=ردت وقالت حظي اليوم ضدك
دنق وتمتم من همومن مغاليق=وقالت عسى ضيم الليالي تردك
راح العهود وراح معه المواثيق=في ساعتن ما فاد كلمة اودك
يا ذيب لو تعلم افراق العشاشيق=ترقا الجبال ودمعتك فوق خدك
الزين قفا والجفا نشّف الريق=والقلب ضايق والمشاعر تكدك
شفني صفقت اليد قوا التصافيق=وشفني رقيت امن الحزن فوق حدك
مهما تناظر يم ذيك الشواهيق=ماحدّنا يا كود ندي وندك
ابدعي الله رب كل المخاليق =يالله تمحي كل همّن بيدك
.
لـ احمد بن مطر الهاجري