مديرنا الغالي سعد الصميل... في بعض المواقف تنتابني رغبة في ان افتك في بعض الناس...
اذكر لك موقف حدث لي قبل ايام في صيدلية "طيبة كلينك"... ما كان موجود الا صيدلي واحد و تقريبا اربع زبائن وانا الخامس... خلصوا اثنين وبقوا اثنين قدّامي... والله ما خذيت الا ذاك "الكعتي" اللي داخل مع بزرانه وياتي بيني وبين اللي قدامي... انتظرته شوي قلت يمكن بياخذ له شغله في الرف المقابل... لي والله ان الرجال ما تحرّك من مكانه... طبعا انا "طفارتي على قولة الحضر" اللي يخطّر الدور بدون احترام...فقلت:
-يا الطيب... وين ان شاء الله.
-ابك والله يا الغالي اني مستعجل وتوني دافع فلوس للاشعة هذي.... (و يورّني ظرف الاشعة).
ابتسمت وانا فيني ضحكة على ردّه و فيني ضيقة من حركته... وقلت: ما تشوف شر... بس انت خطرت ولا عبّرتنا.
قال: قلت لك والله اني مستعجل يا اخوك.
-حصل خير... (قلتها وانا ودي اونّط في حلقه).
فيه ناس ما تستحي... وتربّت على عدم احترام النظام والقانون... ويا كثر العقوبات اللي اتخيل اني انفذها في بعض البشر... لو اعلن عنها بس.... يمكن يسجنوني...
طلقة الراس انا اشوف انها ما تبرّد الكبد... لازم يتعذّبون شوي علشان يحسون
.