الى محزمي وعصابة راسي عناز.....الى اهل الشمال......
الى ((قبايل خاااااارج الجزيره ))....
الى العواجي....خلف الأذن...الرعوجي...المرتعد.... ابن سعود مؤسس المملكه...غدير الموووت....ابن غبين ...مشعان الهذال.....مصوت بالعشا ابن مهيد....محروت الهذال....
مبارك أسد الجزيره...هاني ذي قار....والقائمه تطول..,
شبيت من خافي المعاليق نيره
يحرق لظاها.. كل من كان عايل
تلفي لثله..... ما تعم العشيره
الظلم ظلمه درب حندس ومايل
مانيب اعم اجوادها بالسعيره
باخصها لاهل الردى والدغايل
اللي تزور بالعلوم ....وتديره
عاثت فساد في رصيد الاوايل
تكتب وهي لاسمائها مستعيره
من شان تنهش في وكيد الفعايل
تغمز... وتلمز ....والايادي قصيره
مستخدمين اخس وادني الوسايل
ياهل النفوس الميته والحقيره
خافو من الله ووضحو بالدلايل
لاتنقصون امجادنا يادشيره
ماهو بحنا بس.. كل القبايل
الكل له فعل ورجال ومسيره
كل على ماقيل وافي خصايل
والا عنزه دوله بها كم ديره
ديار عز وتنحدر من سلايل
ديرة سهيل وديرة عبيد غيره
ديرة وهب وجلاس ديار وايل
بسعود (ابن هذال) للدار اميره
اخوان بتلا مقحمين الدبايل
حنا العنوز محشمين القصيره
حنا العنوز معذبين الاصايل
من هو قبلنا ماتنحى مصيره
بايمان ربعي دم الاضداد سايل
وان كان جولات الزمن مستديره
لاشك نغلب مير..هذي قلايل
حنا العنوز اللي نحط الكثيره
نذبح من خيار السمينات حايل
الارض تشكي قوم وايل نثيره
اللي بها واللي عليها ثقايل
ماهم بكثره دون فعل ودبيره
افعالهم يشهد لها كل قايل
يشهد لها صفحات كتب شهيره
ومولفات من دقاق..... وجلايل
يشهد لها ....عود وعقله ينيره
من هو يعد الصدق ماهوب شايل
من اولن.... قدنا العرب بالجزيره
خزار ..ثم ذي قار ...هذي مثايل
واليوم ايضا قايدين المسيره
نصف الجزيره حكمها لآل وايل
ال سعود عنوز لو قيل غيره
وال صباح مع الخليفه عوايل
من صلب وايل يالعقول الصغيره
غصبن عليكم والهفو من ملايل
ملاليل الحقد وحسدكم وغيره
النجم ساطع والرضم بالنثايل
هذي علوم قلتها..... والذخيره
ثارت يوم انه نيش روس الفتايل
كلن مبرقع هاجسه في ستيره
ولايهده غير ........وقت النزايل
والدهمشي لاهد بالجو طيره
ماهو يصيد الا السمان الجزايل
منقوله للشاعر الدهمشي