[أداوي الجروح]

قصيدة عبدالله بن هذال زورها المزورين عن قصايد بني هلال

ومن ذلك القصيدة التي يقال أنها لرجل من بني هلال يسند على

حسن الدريد أحد شيوخهم ومنها:

خلاني حسن سود الله وجهه ـــــــ ما دام في ريش الغراب سواد

ومنها:

ثمان سنينٍ ما هوى نجد قطرة ــــــ ولا مزنة غرا ولا مبدار

ومن ذلك أيضاً:

يانجد لو ان الجفا منك مرة ـــــ صبرنا ولكن الجفاء منك دايم

يانجد لا جاك الحياء فأزعجي لي ــــ مع الطير وإلا ذاريات النسايم.

وقصيدة عبدالله اللتي زورت على لسانه

(سبعة سنينٍ) مالمع فيـك بـارق=مات الحـلال ويبسـت الأشجـار
جرتي علي وأنـا معـذي جنابـك=واليـوم سكنـك شـاوي وحمّـار

يقول هنا مالمع فيك بارق يعني ماهو قحط بس الا مافيه مطر ابد !!!!!!!!!!!!!!!!!!

القحط بدا عند ابن بشر 1220 ومع ذلك يقول:

( فلما كان انسلاخ رمضان في وسط الشتاء انزل الله الغيث
ورحم العباد واحي البلاد

وكثر العشب والربيع خلاف العاده واستمر احسن ماكان
وسمنت المواشي

وكثر الجرب في الابل وعم الحاضر والباد.) ص141

ويقول في سنة1224( وفيها أنشأ الله سحابا ابرق وارعد وامطر وسال منه نواحي

وشعاب وبلدان كثيره........ )الى ان يقول (وهذا لم يعهد في هذه الناحيه

منذ زمان فسبحان المتصرف الذي اذا اراد شيئا ان يقول له كن فيكون وارخص

الله الاسعار فلما جذ النخل بلغ سعر التمر ثلاثين بالريال والبر عشرة اصع)ص146

وش رايك يقول كثر الربيع والعشب خلاف العاده وعم الحاضر والباد والا هذي تبي شرح!

ويقول عن 1222:
(وفيها انزل الله سيلا وسميا اغرق منزلتهم وهدم البيوت والمساجد...)
الى ان يقول( انزل الله في الصيف غيثا اعظم من الاول واصلح الله الزرع وحصلت بركه عظيمه)

واللي زورها على لسانه يقول مفرغا حقده على قبائل نجد

جرتي علي وأنـا معـذي جنابـك=واليـوم سكنـك شـاوي وحمّـار

الحين صاروا ابناء نجد حرب , مطير , عتيبه, قحطان , شمر , هم شاوي وحمار!!!!!!
اجل من اهل الخيل غيرهم!!!!!!

ويقول
يانجد شفي فيـك طيـرة وعيـرة=وغمر الحطب لاحط فـوق النـار

هضبة وعيره بالمدينه يعني حجازيه كيف صارت من نجد والا
فيه وعيره مانعرفها حنا ياهل نجد !!!!!!!!!!!! وين مكانها ودي اعرفها

ويقول:
عبدٍ خذاله زوجه من هل القـرى=شارت عليـه وطـاوع الأشـوار
ومن طاوع العذرا على غير صايب=يصير كما اللـي ضـاع بالنهـار
جلس قليل الفود من شـان الغنـم=وخلا بنات الهـرش معنـا أبكـار

اللي نعرفه ان هذه القصه لبصري الوضيحي ورد عليه الزعيلي

قصيدة الزعيلي

عسى ركيـبٍ روح العصـر للقـوم == يوخذ ولا بضفي عليـه السلامـي
ياراكبٍ من عندنـا فـوق عمعـوم == عليه من وصف الوضيحي تهامـي
حـرٍ زعـاعٍ بالزعانيـف والـزوم == مثـل الظليـم لينطلـق بانسهامـي
بطاك عن بيت الوضاحا ربع يـوم == هـل الهبيـط مسيحيـن اليـدامـي
يابصري الوضحان تدغث من النوم == وحنـا ثمـان أيـام سهـرٍ تمامـي
وراك تمحش دمعتك تقـل مضيـوم == تر البكاء من غير مصيبٍ حرامـي
من طاوع الثنتين يصبر على اللـوم == يصبر على فرقا الاهـل والعمامـي
عسى الغنم للذيب والذيـب لـه دوم == عساه يقطـع ربكها كـل عامـي
أنشدك عن الكرات هن ذورا أوروم == يامرافق الكـرة ليـال الفطامـي
مانت معنا قاعدٍ لـك علـى تـوم == وحنا نلاوي صرعهـن واللجامـي
قبٍ يلاوي روسهـن كـل شغمـوم == حرد اليديـن مطيـرات العسامـي
وادي المرم مرنّـه الصبـح بجهـوم == ترعى به القطعان والرمـي حامـي
ترعى به الشقحاء الطيوح أم خرطوم == طويلـة النسنـوس عجفـا سنامـي
ترعا من الارقب ليا حـزم كيهـوم == ترعى به الشقحاء قـرار الوسامـي
بيظن لا شمر روحن الشتاء غيـوم == مروين عطشان السيوف المظامـي
يتلون حرا يخلط الصيد ملحوم == مخالبـه مـن كثـر ألادلأ دوامـي

وقصيدتكم تقول
أدنا منازلنا بوادي نعايم ــــــــ وأقصى منازلنا بغار نشار

قصيدة بصري الوضيحي متوجدا على ديار الجربا

ياهيه يامرتحلين على كوم = حيل يومن بالمزاهب اهمامي
بالرفق داروا مشيهين حين ما اقوم= خوذوا كلام موجل ما ينامي
تحملوا ماقلت باللفظ مفهوم = من روج رايج ريهجان اجمامي
الى لفيتوا ديرة اصحاب من قوم= احكوا ترى حمض الرجال العلامي
اقصي منازلهم شثاثا ولملوم= وادني منازلهم ودي النعامي
ردوا سلامي للجماعات ملزوم = ياموفقين الخير ودوا كلامي
علم الفرح يشتاق له كل مهموم = بن بكاس بين اشافي الصيامي
لاجيت اخوي وسايلك وين انا اليوم= عن منزلي بايات مرما الامامي
عند ابن شعلان ذرا كل مضيوم = لاج كما وعل لجا بالردامي
جيته من الذله تقل يشعثن قوم = وزبنت عند مدلهين الجهامي
مع برجس المدلاة مدب على القوم = امهدي الصعبات حر اقطامي
اللي مساييره اتقلط على الكوم = طبع لبو ثفنان صب الادامي
جيت المراح وحط بالقلب معلوم = منازل الخلان هم والعمامي
هذا مشب النار والحفر ملثوم = ومركا الدلال المتعبات الشوامي
يامل عين حاربت لذة النوم = لو ناموا المخلوق عيت تنامي
-----------------------------------------
وبالنسبه لهجرت الهذال :

الدكتور جنكيز يقول انهم فرضو سيطرتهم 1230
وانت ماشاء الله عليك تقول الحميدي توه خارج من نجد!!!!!!!!!
ليش كيف عرفت انه توه خارج من نجد والا حاجزين له بالمطار
شي مضحك !!!!!
لانك الغيت الحميدي تماما يعني اذا تكلمو عن 1230 قلت مايقصدون
الحميدي !!!!!!! اجل على كذا طلع الحميدي لحاله بنجد ومامعه احد
ولاادري كيف عرفت انه ماخرج الا 1230 لان اخر ذكر له 1229
في نجد!!
وفي نفس الوقت عبدالله خرج قبل ذلك 1225معناها يتكلمون
عن عبدالله بن هذال

انت ذكرت قال فايز البدراني في ص 237 :
[ وقد لاحظ ذلك كثير من المؤرخين منهم لويس بلي (1825-1895م) الذي ذكر ان الحكم
السعودي "غالباً مايكون على علاقات غير ودية مع قبيلة عنزة" . ولكنه يقصد الدولة السعودية
في عهديها الاول والثاني بالطبع . حيث كان شيوخ عنزة يلحظون ان تنامي قوة السلطة
السعودية يعني القضاء على نفوذهم القبلي في وسط نجد ] .

هذا الكلام انت اللي قلته ماهو انا,, انا اعلق على مصادرك المتناقضه كل مصدر يضد
الاخر وانت تقول اني ماجبت مصدر جديد !!

يعني لويس علق على الدوله الثانيه والاولى طبعا انت ورطت وقلت اني جبت
طاري الدوله الاولى لكن انت اللي قلتها

وعباس العزاوي يتكلم عن هجرت الحميدي وعبدالله 1225 -1230وانت بترقع وتقول انهم يمكن يقصدون هجرت 1250 اللي مارجعو بعدها
طيب 1250 مالهم ذكر الحميدي وعبدالله لان اللي حضر المربع
مزيد بن مهلهل وزيد بن مغيلث هزمو وهاجرو
يعني لا الحميدي ولاعبدالله لهم ذكر في هجرت1250 لانهم
هاجرو هجره واحده 1225 -1230


وقال اوبنهايم عن هجرة العمارات بعد عام 1808م /
1223هـ ج1 في ص128-129:

[هاجرت العمارات آنذاك أيضاً من موطنها في شرق جزيرة العرب
إلى الشمال . لكن هجرتهم لم تكن هرباً ،بل قدموا تحت رايات
الوهابية ، فأزاحوا الجلاس عن الفرات ، واستولوا تدريجياً
على القسم الشرقي بأكمله من الصحراء السورية ، وإن بقيت
أقسام قوية منهم في موطنهم القديم ، ولم تغادر القصيم
موقعها إلا في ستينيات القرن التاسع عشر] .

واوبنهايم يقول لم تكن هربا بل قدمو تحت رايات الوهابيه!!
وهو يتكلم عن 1223 ومابعدها

وانت ورطت نفسك ايضا وبتكحلها واعميتها مثل ماقلت
لك
تقول الدكتور جنكيز يتكلم عن 1215 الى 1230
وانها جائت بسبب الضغط الوهابي !!!!!!
(أنه في بداية القرن التاسع عشر تركت العشائر المتواجدة في جنوب شرق
الأناضول وفي أيالة حلب أماكنها نتيجة ضغط العشائر العربية القادمة من الجنوب إذ تحالفت
عشائر بني سعيد المتواجدة بأعدادها الكبيرة في أطراف البادية في أيالة حلب وعلي ضفاف
نهر الفرات مع عشائر( عنزة )القادمة من الجنوب بأعدادها الكثيفة نتيجة الضغط الوهابي مما
أدى إلي سيطرتهم التامة على كامل البادية السورية عام1815م الموافق 1230هـ وإلى تخريب
القرى وإتلاف المزروعات تمامآ في أرجاء حلب )

ماقصرت هذا ضد نص داوتي وبركهارت
واوبنهايم وضد مشاركة الحميدي بالحناكيه1228


لان لويس بلي ذكر ان عنزه ليست على وفاق مع الدوله الاولى
وكذلك عباس العزاوي اللي انت جزأت النص حقه جزئين
وهو بالاصل يتكلم عن هجرت الحميدي وعبدالله اللي انت
تقول انهم هاجرو 1225 و1230وكذلك نص الدكتور جنكيز
اللي انت تقول انه يتكلم عن 1215 الى ان فرضت عنزه سيطرتها
1230 وانها بسبب الضغط الوهابي

يعني الخلاصه ان بوركهارت اللي انت تمدح ورطكم
وانت ودك يصير اخر رد لك لكي تظهر امام القارئ بانك
على حق وان نصوصك صحيحه مع العلم ان نصوصك هذي
اللي انتم اذيتونا فيها وزعلانيين تقولون ليش الباحثين مااخذو
فيها وعلى راسهم الدكتور العثيمين وفايز موسى اللي انتم
تستشهدون في بعض كلامه اللي يعجبكم واللي مايعجبكم
تتجاهلونه لكن تاكد ان نصوصك هذي معروفه لدى الباحثين
يعني ماهو انت بس اللي يعرفها ومع ذلك لم ياخذ بها والادهى
من ذلك ان لو تنزلها بكل منتدى اهل نجد ماحسبولك ولالنصوصك
لانك تتكلم عن حقيقه معروفه الاوهي ان عنزه تعرضت للجلاء من نجد .

لكن ولايهمك يالفراتي ماراح ارد ابتنازل لك ولك اخر رد علشان ماتزعل

والحكم الفيصل بيكون للقارئ الواعي.