اللي يقول أن قبيلة وادعه كافه قدهم من قحطان يعطي عمره العافيه ولا يفتي من راسه, ولا يجي جاهل ويقول أن رجال وادعه يزعلون أذا أحد ناداهم بغير قحطان الأفضل يسكت ويتعلم كيف يحترم الأجواد والشحم زين, وادعه وقحطان قبائل كريمه وكلن منهم يفتخر بربعه.
قبيلة وادعه الهمدانيه منهم نزائع دخلت بالحلف مع قحطان ومنهم من دخل مع يام, وباقي قبائل وادعه بقت على أصلها ويفتخرون أنهم من همدان, وفيه فرع من وادعه يقالهم ال حيان بن سالم انتسبوا لقبيلة وادعه بالحلف وأصلهم من الأزد وهم الآن جزء أساسي من قبيلة وادعه.
بالنسبه لـ ال شايب ال سعد قحطان صحيح أصلهم يرجع الى قبيلة دهم الهمدانيه ويُقال أن الشيابين عتيبه ينحدرون من نفس الأصل اللي ينحدر منه ال شايب قحطان والعلم عند الله, وفيه قصيده لـ منسي بن ناصر ال شايب القحطاني يبين أن أصلهم يرجع ل قبيلة دهم الكريمه , يقول
حنا بني لرقط وحطبان جدنـا=ودهم جدنا يوم العريب عريب
تاتي لنا الطاله على قيس فعلنا=وأفعالنا منها الرضيع يشيـب
وفيه عرب من يام يقالهم ال سعد سمعت أن أصلهم يرجع الى ال سعد الجحادر قحطان والله أعلم.