السلام عليكم ورحمة الله وبركاته
هذي أول مشاركة لي وأحب أهديكم هالقصيدة اليوم قريتها واعجبتني اتمنى تنال اعجابكم
قصيدة للشاعر سعد الخريجي
نويت مرباع الغضي سيدالاحباب
.............................قصدي يزول الجرح زاد التهابه
جيت وبقايا نارهم حول الاطناب
...........................بيت الشعر مطوي وباقي زهابه
اقفت ركايبهم ومني الهدب ذاب
..........................من دمع يسال وين ذاهالبل جابه
على غزير الدمع ضميت الاهداب
.........................صديت لين الدمع يكفي سحابه
بعض الوجع يمكن تداويه الاعشاب
........................وبعض الوجع ياويل منهو سطابه
عشق بدوي لاحب ماهوب كذاب
............................يوفي ولو جرحه تجدد صوابه
واليوم وصلت بيننا مثل الاجناب
..............................ذاك الغلا ياضيعته ياسفابه
باكر اذا جينا لهم مثل الاغراب
.............................من عقب ماكنا الاهل والقرابه
الامر لله كل شي له اسباب
...........................ولاالهوى وشلي على هد بابه
وشلون قلبي مايجي اليوم منصاب
..........................على الرجم منقوش بعض الكتابه
حتى اثر مشيه مع سهول وهضاب
.................................مرن يبين ومر مايندرابه
قلبي من الفرقى صويب ومرتاب
..........................كنه غدا نصفين من هول مابه
حزني عليه انه تسبب ولاطاب
...........................نظرة طبيب عجلت في ذهابه
ريح الخزامى والنفل زين الاطياب
...........................يشدني ريح السمر في ثيابه
لاقبل نسيم الليل له خيل وركاب
.........................وله في طلوع الشمس عز ومهابه
تحاتي للجميع ............................................ الخزامى