بسم الله الرحمن الرحيم
:
:
:
:
:
:
:
:
:
:
:
:
قصيدة الشاعر الكبير : عبدالله بن عماره آل مصرا العجمي
في مدح قبيلة آل العرجاء والعجمان وقبائل يام كافه
ألقاها في حفل زواج الشاعر : حسن بن نافل العرجاني
الله الله خـيـر مـبـدا ببـتـدي بــه وانحـنـي لـــه=بطـلـبـه ربـــي يــبــدل سـيـئـاتـي بالـحـسـانـي
وإن لقيـت ابليـس لـلـذات يـومـي لــي شليـلـه=ماتبعـتـه يــوم يـومــي للـطـريـق المشبـهـانـي
عزتـي لـه ضـاع وقتـه يـوم يومـي عزتـي لـه=ماغوانـي دون عمـري دون عمـري ماغوانـي
للطـريـق الـلـي بدايـاتـه عـلـى جـمـر المليـلـه=والنهايـه فـي جهنم..0(كـان ربـي مـا هدانـي)
والقصـايـد ماتجـيـب المرجـلـه قـولـه وقـيـلـه=كم وكم من شاعـرٍ قـد قـال: انـا عنتـر زمانـي
وإن نشدته وين فعلك؟وش طلع ناتـج حصيلـه؟=قال :مدري مـا مدانـي هـاه؟! مـدري مامدانـي
ناتـج افعـالـه (غـثـاء السـيـل) مايـربـح زميـلـه=شغلتـه فالمردحـه لاطــال عـمـر المردحـانـي
والذيـابـه مـــن مخالبها عـشـاهـا تـحـتـدي لـــه=والحصـانـي دوم دنّـاعـه واسميـهـا حـصـانـي
يوم ابـو نافـل صحيـب الطيـب كسـاب النفيلـه=كثّـر الترحيـب مـن طيبـه ومـن جـوده دعانـي
كيف ما سج القدم حامي على حامي واجي لـه=دامـه الغالـي وابـن غالـي واعـده مـن خوانـي
طـول الله عمـر نافـل بــان بـيـن قــروم جيـلـه=فاح صيتـه بيـن ربعـه ريـح مسـك وزعفرانـي
فـي محـلـه يــوم زان الكـيـف بـنـه زاد هيـلـه=مرحبـا لان المكـان الـلـي جمعـكـم ذا مكـانـي
ماعلـيـه اخــلاف مــن رد الجميـلـه بالجميـلـه=دامهـا طيـب وجمالـه صـدق يستـاهـل عيـانـي
موجـز النشـره قضـا لـكـن بـعـد بـاقـي بديـلـه=بـاقـي التفصـيـل والتحلـيـل ثــم اعـلـن بـيـانـي
راكـب اللـي كنهـا الخفـاق فـي راس الطويلـه=مـن بـنـات الـريـح خمـريـه حوافـرهـا متـانـي
فــي مقبـلـهـا سـمـاحـه وانـشـراحـه وتهلـيـلـه=معجـزه سبحـان مـن نـزل لـنـا سـبـع المثـانـي
الاذانـــي بذرتـيـن..ارمـوش عينـيـهـا ظـلـيـلـه=كن مناخرها حجول التـرف عـود الخيزرانـي
والشدوق اشبر وضيـع مـن مزاياهـا الاصيلـه=لـجـة اللـجـه مـعـا لحيـانـهـا مـلـقـى العـنـانـي
عنقهـا عنـق الفـريـد الـلـي يجـفـل مــن مقيـلـه=فـي نحرهـا نحتـت الفرعـون تبغـى ترجمانـي
والعـدالـه ليّـحـت ذرعانـهـا مــن غـيـر مـيـلـه=زاويــة سبعـيـن فــي سيقانـهـا رســـمّ بـيـانـي
والسماحـيـق الـمـلايـا مستطـيـلـه ..مستطـيـلـه=ظهرها يجـذب متـون اعضودهـا عـزلا مثانـي
الـلـحـم يـنـصـى فقاحـتـهـا وخـلاهــا جـلـيـلـه=ما تطبق فوق عـرض جنوبهـا احبـال الموانـي
لا ادبرت كن ذيلها شختـور مـن حـق المخيلـه=نابثـات اسدوسهـا سـفـاح مــن فــوق الاذانــي
تـنــزوي بشقـاقـهـا بشقـاقـهـا الاخـــر بخـيـلـه=فـي نهـار العيـد عيـد ضحيـه وعيـد رمضانـي
فرقهـا عـن بنـت راع الطايـلـه بـرقـع وشيـلـه=غيـر ربـي عاضـهـا ملبوسـهـا زل اصفهـانـي
لا استفـزوهـا وفــزت مــن مواطيـهـا الثقيـلـه=فـزت الملقـوص لانّـس حــر ســم العقربـانـي
فوقـهـا لاشــاش مـزبـان الدخـيـل يـشـد حيـلـه=هزت جيوش وعروش وهـزت كبـار المبانـي
لاتــراخــا كـنـهــا قـالـت:ويـامـال الـهـشـيـلـه=اسهج اسهج لين اخلي النجم والمزنه وزاني!!
بالـفـرج بـشـر دخيـلـه بالـفـرج بـشـر دخيـلـه=لـو عليـه الـدم يطبـق طبقـت السحـر العمـانـي
بين جمعين وبحـر دربـه خضر..تخلـي سبيلـه=كـرّهـا مــع فـرّهـا تقـبـل بـعـد تـدبـر رزانــي
كنهـا جلمـود صـخـرٍ هــد مــن عـلـويّ سيـلـه=ماتقايش عندهـا قحـص الرمـك مثـل السوانـي
غايـة الشيـخـان والفـرسـان لــو انـهـا وسيـلـه=منـوه اصبـح دونـهـا منـيـه ماجابتـهـا الامـانـي
شافهـا شقـران وابــدى الاهتمـامـات الجميـلـه=سـاق خيلـه فـي طلبهـا كلـهـا قـاصـي ودانــي
واعتـذرنـا دون قـاصـر يـذكـر بـهـدات خيـلـه=والقناعـه عـشـر مــا تـرجـع لراعيـهـا ثمـانـي
الـهـديـه مـاتـبـاع وكـيــف تـعـطـى مستحـيـلـه=يــوم عييـنـا عليـهـا صـفــوة الـجــل الـبـدانـي
حافظيـن اعلومهـا قبـل الـف ليلـه والـف ليـلـه=مـدهـا ولــد الخليـفـه جـعــل يـفــداه الـهـدانـي
شـدهـا عـبـلان مــن بــدع التماثـيـل الجـزيـلـه=وامـهـا ركابـهـا صـقـر الجـزيـره مــا يـوانـي
ينطـح الجمـع الغفيـر بجمعـه اللـي يرتكـي لـه=واختهـا فـاول جـمـوعٍ قـادهـا شـيـخ آل ثـانـي
واختهـا الاخـرى معـا زايـد وسماهـا الكحيـلـه=درب اخيهـا جرّتـه جـل الولـي مثـل المحانـي
احتمى له بـن صبـاح ان فـز لز..ويحتمـي لـه=سـرج ابيهـا لابـرا للكـوم مـن فـوقـه ضمـانـي
طوعـه راع العضيـبـا طـوعـه هــادي عميـلـه=المسيحيـر المسمـى (قال:واللـي لـه حصانـي)
ماعسفهـا غيـر شـيـخ ونفـخـر ان قلـنـا مثيـلـه=شيخـنـا راكــان فعـلـه ماغـبـا وســط البـيـانـي
يوم زعـزع دولـة المسقـوف وادقـم كـل عيلـه=قــام فاسطنـبـول تمـثـالـه وهـــز الصربـيـانـي
عـسـفـهـا قــــوى قوايمـهـا ولامـنـهـا فـشـيـلــه=مـن طمـان ليـا رفـاع ومـن رفـاع ليـا طمانـي
فوقـهـا يامقـطـع الـفـرجـان شـغـمـوم ودلـيـلـه=سجهـا لعـيـون بــراق النـحـر والعـمـر فـانـي
نصـهـا (خـيـالـة الـسـمـرا) مقـابـيـس الفتـيـلـه=بزرهـم يسـوى عقـيـد ويعتـبـر مـزبـان جـانـي
من (قنيبر) من (صلاح) الدم من نفس الفصيله=(آل عرجاء) كسوة العـاري ليـا غـاب الفهانـي
للصحيـب ارقـا سـنـود وللحـريـب الحنظليـلـه=حاربـوا فعـل الخنـا بالطـيـب طلقـيـن اليمـانـي
فعلـهـم بالصـلـب والصـمـان مــا يخـفـا دليـلـه=عــزوةٍ مـنـا وفيـنـا مـــن قـديـمـات الـزمـانـي
لاتعصـبـنـا الـقـنـازع نـقـطـع اكــبــادٍ غـلـيـلـه=فـي حمانـا مـا يحـل اللـي بـلا مـقـلاط عـانـي
مايـحـل..ان حــل بـالـغـارات حقـقـنـا جفـيـلـه=قلتها نايب عن (آل مصرا) وفيهـا شـرح ثانـي
من حمـد مسعود..مسعـود انتمـي لـه وانتميلـه=احتمي(للشامري) و (الضاعني) وفيهم مدانـي
محزمي (مرزوق) والا من على المتنين اشيله=تـاج راسـي واعتـزي بـه لاحـدانـي ماحـدانـي
ياعـوال (عجيـم) شـشـت ولابـقـا فالـيـد حيـلـه=ارقبوا لي ليـن اعلّـي واقطـف سهيـل اليمانـي
ياعـوال (هشـام) مرويـن الرهيفـات الصقيـلـه=الفصاحه من مخيخ المخ صبـت فـي لسانـي!!
ياعـقـايـد (يـام) لارد الــبــرا ســقـــم الـدبـيـلــه=الجـنـان الـلـي لفـانـي مــن جـنـان الغيهـبـانـي
بطـلـب الله مـــا يزيله..يـاعـسـى الله مايـزيـلـه=ياشغاميم (محلف) يا كل (يامي) و (قحطانـي)
دون قـاصـر فالقبـايـل كلـهـا واهــل الفضيـلـه=اسمعوا وش قالـت الحكمـه تراهـا مـن جنانـي
أكـثـر المـضـمـون راح ولا تـبـقـى الا قلـيـلـه=ياعزيـزي المستمـع لحظـه معـي ركز..ثوانـي
يمكن القى مودماني..شخص..يسوى لـه قبيلـه=بــس ماالقـالـي قبيله..كامـلـه فـــي مـودمـانـي
ماخضع راسي ولايخضـع ولا حولـي خميلـه=دام يوجد شخص من ربعـي عريبيـن المجانـي
وسلامتكم