السلام عليكم ورحمه الله وبركاته
صلوا على النبي
.
.
.
.
.
.
.
.
غفيت بطاري الذكرى ., على صحوة هبوب النود=وتمنيتك معي .! يوم الغضـى ماهـوب يدفينـي
طريت بحزّتك .. والفقد موجع .. والليالي سـود=وشريط الذكريات ان جيت افلّه .. قـام يطوينـي
تقاربتك .. وانا بيني وبين اهل الحدود ., حْـدود=وسريتك في متاهات الخيال .. وتُهت في حيني .!
كتبتك في جدار القلب بدموعي .. متى بتعـود .؟=ياحلمي فالسنين الماضيـات .. ومقبـل اسنينـي
انا ماني بغايب وانت .؟ لاغايـب ولاموجـود .!=تغيييب وتختفي بعـروق خفّاقـي ومـاء عينـي
على درب المحبّه .؟ ماذخرت الجهـد والمجهـود=جعل مالك على وجه البسيطه مـن يساوينـي .!
معاك .؟ ابدي عليك سْدود وأخفي من غلاك سْدود=وفراقك لاذكرنـي ., وش ينسّيـه وينسّينـي .؟
عسى الله مايلحقنا الذنوب .. وشرهـة المنقـود=بليلٍ يستحـي مـن لمـس كفّينيـك بكفّينـي .!