وعليكم السلام ورحمة الله وبركاتة
ماازكي احدن على الثاني لاالبنت والولد
الستر والحشمه مطلب كل حر ولاخيرن في بنت تخلي العرب ياشرون على اخوانها
البنت اللي ماتخاف ربها و ماتحشم شيبات ابيها ولا لحيته اخيها وتنطح اصياح بصياح لاجل تثبت قوه شخصيها وتسوي ذي البلاوي تحت اسم مستعا ر هذي مقطوع الرجا منها ما فيه عيضه وربي بيفضحها بيوم من الايام
ماهوب معنا ه اني في منتدى وباسم مستعا ر اشيخ على دربي واسوي اللي ابيه ولاكانه به احد يراقبني الوحده تخاف ربها ولاتخلي شيبانها واخوانها يتحسفون في يوم من الايام انه عطاها الثقه وهم هقواهم انها كفو لها
وعلى العموم البنت اللي محترمه نفسها بتجبر احترام كل رجال نواي لها بالرديه وتسوقه النخوه والحميه اذا غلط احد عليها
والشاب اللي ماترضاه على شوفتك لاترضاه على بنات الناس لانها مردودلك كما تدين تدان
زبده الهرج حشيمه الاطباع معروفه وردية النوايا معروفه مااحدن غشيم عنهم
اصب السمن على يمناك يالسنافي وبيض الله وجهك مليو ن ولايكفون موضوع طيب وقيم في طرحه ان شالله تعم الفايده فيه
العذر منكم والسموحه على القصور والاطاله واللي مبداه شرواكم يعذر
اللهم استرنا فو ق الارض وتحت العرض ويو م العرض
تقديري واحترامي
لكم
اخت ارجال
_____________